Smoke & Barrels (Closed)

今日就同大家介紹下一間幾好味既pizza，岩哂大家買嚟返屋企大餐！早前就食過Smoke and Barrels佢地既pizza🍕。佢地主打美國🇺🇸南部既美食，而其中最特別就係佢地Detroit Style Pizza，係香港係好少見。Detroit Style Pizza係指方型厚底pizza，而食落外層脆口而內裡鬆軟。誠意推薦「Hummer」呢一款味道，佢係用左招牌芝士，意大利番茄醬同肉腸，自家香腸同厚切煙肉，番茄醬酸甜味突出，當肉類嘅油分遇上芝士，非常邪惡🥰，啱晒係「食肉獸🦁」嘅朋友。而「Corvette」係採用大蝦🍤、蘆筍🌱同mascarpone芝士，食落無Hummer咁重口味，清新一點，但因為落多芝士，所以更香！Pizza🍕口感同味道都唔錯，而價錢算合理，一人食3塊已經夠飽🥰，真係非常適合同一家人做大餐，有機會要試下！