227甜棧 (Closed)

今晚放工之後血糖偏低，情緒低落，好想食啲甜嘢。其實我未食晚飯，但要我食個正餐我又冇乜胃口，而且亦都太heavy喇。諗諗下不如約個食家出嚟，睇下佢有咩高見結果佢帶咗我去呢間度食，由於我哋未食飯，所以叫左大量食物，小食雞亦都叫咗兩份！味道好唔錯喎可能係冇預期糖水鋪嘅小食整得咁認真啦，因為坊間啲糖水嘅小食一般都係微波爐料理嘛，所以真係喜出望外而甜品呢，我覺得樣樣都幾唔錯喎！糖比甩有唔同嘅味粉點嚟食，有選擇幾有心！其實有心嘅餐廳，食客係會食得出架