太平洋咖啡 (港運城)

Open Now

Now Closed

唔太想去食碟頭飯，食完通常都㩒電話直至夠鐘返公司，但坐得一啲都唔舒服，又驚比阿哥阿姐撞。前排貪杯咖啡入咗會，咁就去試下食個包。一份嘅三文治大約三十幾四十蚊，論飽感係一定無食飯咁抵，但正好啱我唔使食咁多。最後揀咗個雞肉芝士蘑菇意大利三文治，一個完全係新鮮食品嘅選擇，同埋一杯朱古力牛奶咖啡，呢個月有買一送一仲有得儲起。我唔想飲奶，可惜問佢問埋我儲嗰杯要乜搞到我唔記得講轉荳奶。個包唔係一般方包，烘完外脆內軟。雞肉份量適中，有蘑菇有菜，食完其實都七分飽，飲埋咖啡真係超級飽。最緊要係呢度真係好多位，食飯時間都容易有位，可以慢慢食又可以睇雜誌上下網，真正放鬆心情。