抹茶館 (Closed)

各單位人仕注意～over over～獨食貓出動！以下係我獨食嘅照片～重申，我真係唔大食 …只係為食……人地本身諗住普通食個dinner ONLY～點知menu甜點太吸引…就……韓式炸雞丼配湯紅絲絲嘅係紫蘇，我唔太喜歡呢個味道，最後整走曬先食～炸雞唔厚粉但脆邊肉唔鞋，味道ok～溫泉蛋滑嘟嘟～配上麻醬蔬菜，即是降低炸雞嘅熱氣感同油膩感，成件事平衡番！雖然我唔係綠茶控，但menu同隔離枱食緊太吸引嘅關係…肥就肥 死就死 我點！綠茶白玉芭菲杯賣相唔錯，第一件事係影相（差d為食唔記得影）第二，梗係拿林拎起蛋捲＂了＂雪糕食啦！淡淡綠茶味奶味重，對我黎講唔錯，不過綠茶fans可能會嫌太淡緣茶味，白玉係一舊小甜煙un嘅粉團，配上紅豆泥，粟米片，cream同綠茶糖漿，都幾好味，不過我覺得味道最唔夾就係d蜜柑～可能為左裝飾靚，不過可唔可以配第樣呀？！最後，我知錯，做左大嘥鬼，食唔曬～要提醒自己睇住份量，唔好貪心至得，食到肚仔脹卜卜，飯氣又攻心……