皇上皇燒鵝海鮮酒家 (Closed)

又一個下午和同事來飲茶﹐又係叫四個點心。皇上皇的好處係點心成日轉款﹐經常來都唔覺悶。要了﹕玉子豆腐、春卷、豉油皇鵝腸﹐同埋唔知咩餃(見圖)。玉子豆腐是一個素菜﹐裡面重有冬菇、草菇和金菇﹐味道好清﹐玉子豆腐尤其鮮甜﹐非常軟滑﹐稀稀的淋上芡汁﹐是真正的清涼之選。至於春卷﹐其實我係唔食春卷的﹐雖然它裡面不是普通的蝦和肉﹐而是素菜﹐好像有筍、木耳等﹐但我都只吃了一條就收手。豉油皇鵝腸是新菜﹐鵝腸洗得好乾淨﹐極有咬口﹐用的豉油亦唔太鹹。果個唔知咩餃﹐是極薄的水晶皮﹐外面已經可以看到裡面的餡料﹐亦是精心之作。