王家沙 (Closed)

同中學中同喺又一城re-u，行完hollister之後就要搵間野填土～高級商場野食都偏貴，所以最未決定食中式嘅王家沙～王家沙最出名嘅當然係小籠包（$32/4）因為我地6個人嚟食，所以要咗每人2件籠包。小籠包真係唔係浪得虛名，餡料好足，包入面嘅湯吸收滿豬肉嘅精華，係口入面爆嗰吓真係好正！！不過真係唔平飽肚野我地叫咗上海粗炒同埋金華火腿炒飯，味道ok但份量真係好少，6個男仔兩三吓手腳就食晒。跟住我地再叫咗椒鹽排骨，幾唔錯，多肉少骨 最後我地嗌叫小窩糖醋肉最高質，送咗啲好似包北京片皮鴨嗰啲麵皮，夾住食一流！