Moon Ocean (耀華街)

Open Now

Now Closed

為咗慶祝我嘅好朋友，就嚟脫苦海，今晚同佢喺公司附近嗰度chill下。呢間酒吧都幾大，有好多嘢玩，除咗基本嘅鏢機之外，仲有Beerpong 同埋桌球，而打卡位都唔少㗎，淨係個吧枱都已經好靚。揀呢度嘅原因係因為，我呢個朋友好鍾意水母，不過今次嚟到嘅時候已經換咗做其他魚仔Lu，但係打卡嘅靚靚程度都冇減低嘅。藍色嗰杯係佢哋呢度嘅招牌叫Moon Ocean，味道飲落去酸酸甜甜，Gin底冇乜酒精味，啱晒女仔飲，面頭仲有一粒哋荔枝包裹住嘅車厘子，成件事係咪好少女心先。另外一杯係Pinky Nip，俾佢吸引到我嘅地方係因為佢嘅粉紅色，而佢亦都係而家當做嘅荔枝做主打，vodka 做底，因為佢係沙冰嘅關係，都真係好襟飲，不過酒精含量亦都唔算高，所以女士們可以放心飲。另外我哋仲試咗佢杯California strawberry，原本我係唔飲紅酒嘅，不過我都幾鍾意佢呢杯，因為佢係紅酒做底，但係有滿滿嘅士多啤梨味，完全飲唔出紅酒嘅澀，而只有士多啤梨嘅香。你呢度都有啲小食可以做下酒菜，我見佢呢度有出邊冇乜見過嘅避風塘鴨舌，所以叫咗嚟試吓。佢個份量都真係好多，可能真係夠食全晚。個味道辣辣地都好惹味，仲炸到好香口添。