Wish You A Mamaday (Closed)

朋友話MamaDay銅鑼灣開新店，決定同好友去試下。Wish You A Mamaday位於1 0樓，一出電梯就見到張學友。餐廳座位闊落，卡位舒服。午市套餐四人同行一人免費，非常超值。菜名玩味十足，又長有趣。飲品甜品好多選擇。古法烤黑毛豬（西班牙豪華豚）充滿煙燻香，仲有大大片蝦片，十分香口。伴有沙律，非常健康。黑毛豬厚身，肉質緊緻鮮嫩，肉汁豐富，肉味濃郁。超級污糟大大條魷魚墨汁扁麵濃郁墨汁增加香氣，加入整隻墨魚，畫面澎湃。墨魚炸過，有口感，有咬口，勁鮮味。扁麵搭配墨魚汁，鮮香滋味。豆腐豆腐豆腐咖啡咖啡香濃，配上豆腐，味道非夾，加上豆腐雪糕，仲可按喜好加糖水調教甜度。自家製山楂果肉玫瑰花茶酸酸甜甜，帶淡淡玫瑰花香，非常清新。