Banabana (Closed)

炎炎夏日，最好當然係食西瓜消暑，但喺街又點劏個西瓜黎食，解決方法可以飲杯冰凍嘅果汁。夜晚食完濃味嘅泰國菜，行去巴士站坐車返歸之際，發現一間新果汁店有好多人，一杯都係$28，唔算貴。店員俾左一支火箭我，可以喺二、三十種口味內，自選三支口味嘅棒棒入火箭，自選了西瓜、芒果、益力多。正！三樣都是我至愛！等候果汁之際，先發覺原來每支棒棒都標明卡路里，而我居然選了最肥果隻益力多！唯有安慰自己long week end前當放縱一下，最多明天跳多一part鄭多燕。店員完成制作後，會將一張營養卡路里標籤連同果汁一併送上，我杯雜果益力多有180卡路里，仲有豐富嘅鉀(k有2⭐️⭐️)果汁甜甜酸酸，有甜甜嘅益力多，仲有淡淡嘅西瓜、芒果味，飲完暑氣全消，透心涼。