野玩海店 (Closed)

上次去始創買野嘅時候，已經比呢間佈置到好似置身沙灘一樣嘅餐廳吸引，見今日有時間就同老婆約埋阿爸阿媽一齊黎試下佢啦。呢間餐廳喺始創中心地庫，一落扶手電梯就見到「野海玩店」個招牌，非常搶眼。原來佢地每晚都有LIVE BAND唱歌，啱晒鍾意一邊聽音樂、一邊食飯嘅朋友。佢地嘅音樂都幾好聽架，絕對唔係大吵大鬧果種，感覺舒服。 餐牌圖文並茂，又有多款選擇。最後我地揀左個2人餐及兩個1人餐。飲品方面，除了套餐包嘅汽水同檸茶外，特別要讚下佢地喺每張檯都放左兩樽水，有溫水，有滾水，絕對係貼心服務。餐前小食有餐包、餐湯同沙律。生蠔尺寸接近一台iPhone 6，而且味道鮮甜。因為我同阿媽都係「蠔客」，所以除左生蠔外，仲有炸蠔，炸粉唔厚，唔會食到油冧冧。呢個意式蒜香海蜆意大利粉，蒜香味濃加上海蜆數量算多，非常吸引。我就唔食鰻魚嘅，但阿爸阿媽就揀左呢個日式鰻魚炒飯，仲一路食一路讚個鰻魚好味道添。份量夠大，四個人分剛剛好。由於牛扒經烤過烤焗，味道夠香，肉味又夠濃，再點埋個蒜蓉汁，夠晒惹味。呢個海鮮拼盤，除左有原隻波士頓龍蝦外，仲有大蝦、青口、海蜆各兩隻、仲有香甜嘅粟米同蒜蓉包，而整個海鮮盤都沾滿香濃嘅芝士，芝味滿