Vie Won Won (Closed)

今次同朋友去咗一間人氣打卡餐廳，地點位於港鐵香港大學站附近，步行一兩分鐘就到，夠晒方便，以食創意Fusion 菜為主，餐廳名字都充滿玩味叫Vie Won Won，中文叫鬼混，夠晒鬼馬。走入餐廳，樓梯嘅掛飾同擺設都好復古，彷彿置身於古老大宅嘅感覺，另設有户外區，户外區有張鞦韆椅可以坐，喺度用餐都有另一番感覺，每個位置都好適合打卡。✨明太子凱撒沙律加牛排 $176+$38 就可以食到牛排。牛排份量其實都唔少，仲好軟腍每吃一口都充滿肉汁，加埋新鮮嘅沙律菜加同鹹香嘅粒粒三文魚籽，越食越開胃。✨龍蝦沾麵 $232龍蝦肉彈牙爽口，而沾麵掛晒龍蝦汁，每吃一口都好似飲緊龍蝦湯咁好味。麵質較煙韌，日式沾麵以西式手法去煮充滿創意。✨迷幻磨菇 $98一上枱見到蘑菇造型嘅雪葩被濃濃嘅煙霧籠罩住，店員會將蓋慢慢打開，散發出迷幻嘅效果。上層係覆盤子味道嘅雪葩，而下層白色嘅係荔枝味雪葩，兩者口感好軟身似食雪糕，酸甜度比例控制得啱啱好，絕對睇得又食得，必點。✨Pink Lady $98粉紅色嘅迷人Pink Lady充滿少女嘅色彩，底層香濃嘅vodka，配以西柚嘅香甜苦味道，飲落都容易入口，杯頂灑上爆炸糖粒粒，飲落新奇