Little Vegas

Open Now

Now Closed

其實之前晚餐都有黎食過，環境同食物都令我感覺唔錯，今次白天時間黎又另一番風味！我們被安排坐近窗的位置，原來可以睇到馬場的，風景開揚，令人心情舒暢！看過餐牌後，點了兩款小食、1飯1漢堡，仲有2杯飲品！脆炸薯條($52)，呢度既薯條係粗薯條，而且有薯皮，炸得剛剛好，唔會太硬，咸度亦剛剛好，點埋茄汁一齊食更加惹味！雞翼好多重奏($78)，話明好多重奏，即係有幾款味你食，我地揀左玫瑰、麻辣同水牛城味。玫瑰味散發出淡淡的玫塊花味，個醬汁甜甜地。麻辣味麻味非常之出，食完一隻都令我成個口麻哂！水牛城味酸酸辣辣，醬汁都幾濃！麻辣雞燉飯($102)，跟麻辣雞翼差不多辣度，麻味較重。燉飯都幾creamy，飯中有雞肉粒同埋菇。呢個飯中西合璧，幾特別！意式墨魚餅黑炭漢堡($108)，估唔到呢個黑炆炆既包原來都幾好食！個漢堡包包皮很脆，芝士可以有拉絲效果，墨魚餅幾彈牙！漢堡包還附有薯角，同樣炸得很脆！呢款飲品做緊$88兩杯，富士山下顏色好富士山，飲落味道像波子汽水，內裡還有雲尼拿雪糕！而另外一杯是葡萄成熟時，味道有點像提子味的葡萄適！兩杯用黎打卡影相都好靚！總括黎講，餐廳裝修玩味，餐牌食物有啲名都幾得意，是一個