Video
Read full review
2020-06-27
986 views
為左唔洗諗食咩, 所以我地揀左佢既Set($462), 重點係個et已經有曬我想食既野是日餐湯🥣 我地去果日既是日餐湯係南瓜湯🎃 相比我地平日飲開果啲稀身, 不過飲落都好滑口同埋有甜甜既南瓜味, 仲要都幾大碗👍🏽沙律🥗大量沙律菜, 紅菜頭同埋蕃茄🍅 配搭埋大量既日式麻醬, 十分美味開胃普洱茶香雞翼(6隻)🐔呢個雞翼係我未去之前超級期待😍 味道同我想像中有啲落差, 不過我知道要整到好濃茶味係好難🤧 如果當佢係鼓油雞翼咁食絕對係一流, 因為佢用左八角同辣椒, 所以食落有少少辣辣地🌶️自家製慢煮茶葉炆豬腩仔🐷肉食有兩個選擇, 唔食豬既話可以揀黑椒汁牛扒🐮 呢個豬腩仔半肥瘦啱啱好, 食落一啖脂肪一啖瘦肉好滿足, 醬汁都調較得幾好, 另外仲配有大量炒過帶少少脆口既薏米🤏🏾 流式卡邦尼炒腸粉🥡呢個係最吸引到我既食物,冇諗過兩樣我鐘意食既野可以combine埋一齊, 而且出奇地夾😍 Carbonara既醬整得超好食, 腸粉有略略煎過, 配有少量既冬菇同埋磨菇片, 成件事真係好fusion😌 如果唔想食呢個可以揀另一款意粉🍝跟餐仲包兩杯特飲或買二送一啤酒🍻或半價Cocktail陳皮啤🍺($68)呢度有幾
為左唔洗諗食咩, 所以我地揀左佢既Set($462), 重點係個et已經有曬我想食既野是日餐湯🥣
我地去果日既是日餐湯係南瓜湯🎃 相比我地平日飲開果啲稀身, 不過飲落都好滑口同埋有甜甜既南瓜味, 仲要都幾大碗👍🏽
沙律🥗
大量沙律菜, 紅菜頭同埋蕃茄🍅 配搭埋大量既日式麻醬, 十分美味開胃
普洱茶香雞翼(6隻)🐔
呢個雞翼係我未去之前超級期待😍 味道同我想像中有啲落差, 不過我知道要整到好濃茶味係好難🤧 如果當佢係鼓油雞翼咁食絕對係一流, 因為佢用左八角同辣椒, 所以食落有少少辣辣地🌶️
自家製慢煮茶葉炆豬腩仔🐷
肉食有兩個選擇, 唔食豬既話可以揀黑椒汁牛扒🐮 呢個豬腩仔半肥瘦啱啱好, 食落一啖脂肪一啖瘦肉好滿足, 醬汁都調較得幾好, 另外仲配有大量炒過帶少少脆口既薏米🤏🏾
流式卡邦尼炒腸粉🥡
呢個係最吸引到我既食物,冇諗過兩樣我鐘意食既野可以combine埋一齊, 而且出奇地夾😍 Carbonara既醬整得超好食, 腸粉有略略煎過, 配有少量既冬菇同埋磨菇片, 成件事真係好fusion😌 如果唔想食呢個可以揀另一款意粉🍝
跟餐仲包兩杯特飲或買二送一啤酒🍻或半價Cocktail
陳皮啤🍺($68)
呢度有幾款特色口味既啤酒, 我地叫既呢款陳皮啤冇咩陳皮味, 不過小麥味超香, 當普通手工啤咁飲幾唔錯
蜂蜜檸檬鐵觀音🍋
呢個反而令我有驚喜, 因為佢鐵觀音既茶底超出, 同蜂蜜檸檬好夾
蜜桃玫瑰普洱茶🍑
呢個我揀左走冰, 飲落係常溫既溫度🌡 淡淡既蜜桃甜味同普洱既茶味加埋玫瑰既花香味🌹三款材料既味道溝埋再加埋個溫度飲落好舒服😌
呢間餐廳雖然細細地, 但係裝修同食物都好別緻🗺 特別係佢既廁所, 牆身痴滿左老夫子同埋成人Poster, 玩味感十足🚾 食物既質素都相當唔錯, 茶式夠曬特別, 份量完全唔欺場, 絕對係用心小店
Post
