Next Station

Open Now

Now Closed

公司附近新開了一間玩味打卡cafe, 麻雀雖小，心思打卡位多，令人印象深刻！最受歡迎打卡位係元朗國地鐵牆，唔打個卡點叫來過元朗😂臨近聖誕，餐廳節日氣氛濃厚，配以餐廳本身色彩繽紛的卡通裝飾佈置，令人心情倍覺興奮。點了🐱豬籠炒蛋貝果 貝果外脆內軟，咬落去挺煙靭，很有口感。大大塊軟嫩的豬扒加上份量爆多的滑滑炒蛋和貝果上的芝麻香和麥香非常夾，口感層次分明，令人很有滿足感。🐱凱婷的全日早餐材料豐富，賣相超靚！中間兩大片哈哈笑薯餅外脆內軟，5大片煙三文魚砌成了漂亮的玫瑰花，淡淡的煙熏味襯托出三文魚的鮮味，好吃！豬肉香腸調味不會過鹹，口感彈牙有豬肉香。大啡菇多汁爽口。炒滑蛋有黑松露醬調味，很香！仲有兩大塊煎得很香脆但唔燶的煙肉。配以沙律菜和茄汁豆清新開胃。🐱Iced Mocha 和Iced Latte 造型也很漂亮，層次分明，而且味道適中，唔會過甜！飲筒係不鏽鋼，非常環保。飲筒上的元朗國裝飾牌也是一大打卡點！