Video
Read full review
2023-04-24
1636 views
何蘭正一聽就知係一個玩味甚濃嘅餐廳。餐廳位於蘭桂芳，裝修好有50年代懷舊風。餐廳其實係一間酒吧，提供唔同嘅cocktail, 本地獅子山啤酒，其他無酒精特色飲品。餐廳雖然餐廳係懷舊港式茶餐廳裝飾，但提供嘅係新穎中西fusion菜，呢度嘅食物真係令我非常驚喜。法式幼滑薯蓉｜松葉蟹肉| 雞油花雕呢個前菜好精美，好有高級法國餐嘅感覺。蟹肉好新鮮鮮甜，一d腥味都無，應該係原隻拆肉。薯蓉好滑，配埋蟹肉好好味。雞湯花鵰為呢度菜畫龍點睛，雞油嘅香同酒香令呢道菜嘅味道同鮮味再提升一個層次。蔥燒龍躉石班魚柳，潮州酸菜，蒔蘿蛋黃醬 漢堡包配薯條。蔥燒龍躉石班魚柳，個魚柳煮得好嫩，肉質鮮美結實，簡直係一個非常高級嘅魚柳包。配上潮州酸菜和蒔蘿蛋黃醬，呢個酸菜唔會太鹹，酸甜味好平衡，加上脆口嘅口感，為個漢堡帶黎多種味道。川味烤西班牙紅毛豬肋骨 及 頂級西班牙牛臀扒配炸美國薯仔，蟹籽甜酸汁川味烤西班牙紅毛豬肋骨燒得好入味，加上川味醃醬，味道帶少少香辣，豬肋骨好入味。牛臀扒煎得恰到好處，好冧好有牛味。呢個菜真係好啱d食肉獸。咸梅西瓜沙冰西瓜沙冰其實好多地方都有，但加埋咸梅粉就真係第一次，估唔到係咁好味。咸梅嘅咸，反
何蘭正一聽就知係一個玩味甚濃嘅餐廳。餐廳位於蘭桂芳，裝修好有50年代懷舊風。餐廳其實係一間酒吧，提供唔同嘅cocktail, 本地獅子山啤酒，其他無酒精特色飲品。餐廳雖然餐廳係懷舊港式茶餐廳裝飾，但提供嘅係新穎中西fusion菜，呢度嘅食物真係令我非常驚喜。
法式幼滑薯蓉｜松葉蟹肉| 雞油花雕
呢個前菜好精美，好有高級法國餐嘅感覺。蟹肉好新鮮鮮甜，一d腥味都無，應該係原隻拆肉。薯蓉好滑，配埋蟹肉好好味。雞湯花鵰為呢度菜畫龍點睛，雞油嘅香同酒香令呢道菜嘅味道同鮮味再提升一個層次。
蔥燒龍躉石班魚柳，潮州酸菜，蒔蘿蛋黃醬 漢堡包配薯條。
蔥燒龍躉石班魚柳，個魚柳煮得好嫩，肉質鮮美結實，簡直係一個非常高級嘅魚柳包。配上潮州酸菜和蒔蘿蛋黃醬，呢個酸菜唔會太鹹，酸甜味好平衡，加上脆口嘅口感，為個漢堡帶黎多種味道。
川味烤西班牙紅毛豬肋骨 及 頂級西班牙牛臀扒
配炸美國薯仔，蟹籽甜酸汁
川味烤西班牙紅毛豬肋骨燒得好入味，加上川味醃醬，味道帶少少香辣，豬肋骨好入味。牛臀扒煎得恰到好處，好冧好有牛味。呢個菜真係好啱d食肉獸。
咸梅西瓜沙冰
西瓜沙冰其實好多地方都有，但加埋咸梅粉就真係第一次，估唔到係咁好味。咸梅嘅咸，反而更吊出左西瓜嘅甜味，令個飲品更加清甜。
椰青龍井冷泡茶
茶味清香，再加上椰青嘅清甜，真係好清新，令人回味無窮。
初時以為呢間餐廳只係玩味為主，都係諗住去打下卡，但估唔到佢嘅食物質素同佢餐廳名一樣Ho Lan Jeng，而且價錢合理，啱晒一班朋友食飯吹水。
Post
