Veggie4love

Open Now

Now Closed

呢日朋友介紹，我就嚟咗呢間中環樓上嘅素食餐廳，一開門就見到好多人特色玩味好重美式年代佈置。有好多玩具，紀念品，懷舊電視機等。而且播放住輕快懷舊美式嘅音樂，真係好似去咗主題樂園咁，非常有特色。見到餐牌上嘅選擇都好多, fusion 咁西式亞洲風嘅都有， 10分迎合到唔同人嘅口味。Kobe’s Favourite 素漢堡扒伴配燒烤醬似巨無霸咁嘅份量大，麵包外脆，佢嘅素漢堡扒亦都打破咗平時對植物肉嘅概念，肉質似肉得來，口感唔會太淋，比想像中好食。燒烤醬酸甜，帶微辣。職員都好細心表示，如果唔食得辣可以order 分開另上，或者轉白汁。朱古力心太軟配雪糕份量適中，雪糕嘅朱古力味幾濃味，唔單只外層蛋糕好足朱古力味 好軟熟 入面嘅流心朱古力醬夠多之餘 都幾香同軟滑。會買啲燕麥脆脆，口感豐富。Conclusion: 價錢中環來講算係偏平，而且有主題特色同埋素食健康嘅宗旨，都適合一家大細，鍾意素食健康，同埋有懷舊主題嘅朋友。值得一試。