雞翼山 (Closed)

沙田放學放工，同朋友同事吃晚飯夜宵磨，九成都滾落紅磡解決，貪這裡選擇多，又抵食！呢邊最正既係你可以一個地方，解決晚飯、糖水，仲有宵夜，唔洗煩又好味。加上呢頭成日轉鋪，感覺唔會悶。早兩日同朋友放半，入紅磡食下下午茶，見到呢間新開業的特色雞翼店，就「裝」下咩玩法。粉紅色裝潢、打住「不要儀態...只想吃雞翼」的旗號，有趣有趣。這裡專門賣雞翼，共6款，另配售三款飲品，選擇簡單。款款雞翼即叫即炸，保證新鮮脆口。6款雞翼，款款味道都相當有趣，結果就揀左2）鹹檸七、3）熱情果及6）山葵蟹籽，3款雞翼試試佢。第一份送上的是鹹檸七雞翼，店員很好，幫我同朋友分開兩份（免得我地爭食），賣相討好（分到好整齊），服務要讚！雞翼焗烤時間好，肉質滑，Juicy，加上酸酸的鹹檸七醬汁，開胃清新！再到熱情果寶寶雞翼，又一嫰滑肉質，外皮焗成焦糖色的，吸引吸引。一啖咬下，肉汁流出，熱情果醬汁的酸甜令人有BBQ蜜糖雞翼的感覺，但卻沒燒烤蜜糖的稠。壓軸出場就有檸香山葵蟹籽雞翼，我最有期望（因為我好偏愛山葵口味的東西），呢款比起之前兩款，更脆口因爲是脆炸煮法而非焗烤，肉質比之前會乾身實在一點，但配合了酸酸口味帶有微辛山葵口感的沙