送行提燈 (Closed)

知道阿妹鍾意睇妖怪漫畫，又對任何玩味造型情有獨鍾，無意中上開飯見到銅鑼灣新開一間玩味十足嘅餐廳，聽個名「送行提燈」已好吸引，即訂位晚餐，俾阿妹一個驚喜啦😁餐廳位置好方便，從銅鑼灣SoGo後邊門一出轉左，賣飲品檔旁的一座大廈，望入即見「送行提燈」大banner，上二樓就見到可愛鬼怪提燈迎接啦⋯⋯哈哈哈！一入餐廳內彷似置身於一個妖怪世界，裝修相當特別、牆上壁畫精緻、佈置簡直一流，好似喺一個日本幽靈境界裡，相當得意又吸引。阿妹勁影相勁開心，真正要自身其中先感受到箇中玩味！餐牌設計、食物名稱和造型貫徹玩味特色，充滿幽靈奇幻感覺。今晚我哋就叫咗幾樣食物嚟品嚐玩味啦！😛<< 燈無蕎麥 >>我哋order咗一冷一熱蕎麥麵，服務員上枱時即細心講解配料及生蛋食法，抵讚👍🏻！而熱食的第二個麵底分開附上，份量十足，再讚👍🏻！蕎麥麵營養價值高+熱量又低，簡直係健康主食之選。阿妹鍾意打混雞蛋配料沾食；我就鍾意蕎麥麵清湯淨食，無論冷暖或食法，都食出蕎麥香、麵質極富口感，非常好食<< 五体面 >>同一款餃子，食出五種不同風味，真正的五體面。醬汁分別有柑