Video
Read full review
2013-04-11
73 views
12月15日, 以前d厚身炒蛋、豬潤麵都只可以喺九龍先見到, 但係續漸新式嘅懷舊feel茶餐廳喺港島區越開越多, 又係sell呢d野, 而呢間樂心都唔例外, 懷舊嘅裝修, 配光鮮嘅外表, 都幾多人食~::: 常餐 火腿炒蛋多士 + 叉燒通粉 + 凍奶茶 ::: $35火腿炒蛋多士賣相就如普遍新式懷舊茶餐廳一樣, 厚厚多士伴住兩塊三角火腿同滑蛋~ 不過塊多士就有d淋, 似係一早烘好, 火腿亦知係求其煎咗一邊算數… 炒蛋呢都叫滑嘅, 而且中間仲會有蛋汁, 不過但睇色水都同佢個味一樣係較淡, 普通啦.叉燒通粉呢用上清湯, 叉燒比較瘦, 就算浸住湯肉質都比較乾同韌, 但感覺上就無咁肥膩囉… 但食落都無乜味. 湯底就真係好清, 加埋個淡口叉燒同通粉整體都較清淡.凍奶茶都幾大杯~ 不過唔知係咪太多冰, 飲落好似唔多夠味…::: 炒蛋多士 + 茶走 ::: $25炒蛋多士以為有幾特別, 原來就只係一碟炒蛋加多士, 早知叫奄列好過… 炒蛋滑就滑, 不過味道好淡口, 食唔出蛋或者奶嗰d味, 迫住要加胡椒呀鹽咁去吊味… 多士都幾厚啦, 烘得燶燶地唔錯, 只係牛油搽得太馬虎…茶走嘅煉奶過多, 以致太甜, 搶
::: 常餐 火腿炒蛋多士 + 叉燒通粉 + 凍奶茶 ::: $35
火腿炒蛋多士賣相就如普遍新式懷舊茶餐廳一樣, 厚厚多士伴住兩塊三角火腿同滑蛋~ 不過塊多士就有d淋, 似係一早烘好, 火腿亦知係求其煎咗一邊算數… 炒蛋呢都叫滑嘅, 而且中間仲會有蛋汁, 不過但睇色水都同佢個味一樣係較淡, 普通啦.
叉燒通粉呢用上清湯, 叉燒比較瘦, 就算浸住湯肉質都比較乾同韌, 但感覺上就無咁肥膩囉… 但食落都無乜味. 湯底就真係好清, 加埋個淡口叉燒同通粉整體都較清淡.
凍奶茶都幾大杯~ 不過唔知係咪太多冰, 飲落好似唔多夠味…
::: 炒蛋多士 + 茶走 ::: $25
炒蛋多士以為有幾特別, 原來就只係一碟炒蛋加多士, 早知叫奄列好過… 炒蛋滑就滑, 不過味道好淡口, 食唔出蛋或者奶嗰d味, 迫住要加胡椒呀鹽咁去吊味… 多士都幾厚啦, 烘得燶燶地唔錯, 只係牛油搽得太馬虎…
茶走嘅煉奶過多, 以致太甜, 搶晒d茶味, 麻麻地…
呢間冰室啅頭就有, 不過因為呢d特色裝修, 變相成本就要轉介俾食客, 價錢唔算相宜. 另外環境有d嘈, 服務生又唔太好禮貌. 座位比較窄, 坐呢d硬板櫈唔係好舒服. 如果想食炒滑蛋, 都係北海道好d…
Post
