春風三月 (Closed)

食完飯，係千色匯行街，無無聊聊，好耐冇飲珍珠奶茶，突然好想飲，於是走去搵。啱啱見到呢間好似未飲過，不如試下啦⋯⋯朋友仔買左杯黃金果茶。真係好黑仔啊，等等下，落大雨，唉～成身濕晒，唯有跑過對面繼續等。我呢，就叫左杯奶蓋double玫瑰綠茶，攞左飲品，之後，快d搵個地方匿埋慢慢飲先。睇下個杯身，都幾得意喎，會教你點樣品嚐呢杯飲品。呢個杯既設計都幾特別，我幾中意，除左可以飲到奶蓋，有時d珍珠塞住左條管，打開可以大大啖飲。呢杯飲品個奶蓋好香好濃郁，仲滲有淡淡玫瑰香味。珍珠亦都好有咬勁，同樣滲有小小玫瑰香味。