Cafe 103

Open Now

Now Closed

環境一流既爸爸「生日飯」嘩，第一次去咁高級既酒店食自助餐，不過餐廳唔算大，個場比我預其中細，因為一早訂台時request咗要窗口位，所以不負眾望我地可以坐到窗口位，可惜天公不美，當日六點到，天仲未入黑既，但當日空氣污染指數不好及太大煙霞，所以從窗口望出去個境就一般，不過入黑之後，境色就級靚！入返正題先，講下野食先！野食唔算十分多，但樣樣都幾好食！海鮮區：生蠔(我最愛)、長腳蟹、蟹鉗、蜆、大蝦、黃金螺、等等！熟食區：咖喱、燒味、切雞、叉燒、熱食幾款、燒牛肉、半肉、炒飯、一口漢堡、等等！甜品我覺得算多野揀，我好中意佢個麵包布丁，好好味，我食左3次，個中湯幾好飲！今次食左40隻生蠔，返屋企都"無"肚柯，姐係證明d蠔都乾淨新鮮！整體黎講，我覺得呢間酒店係食個境，唔係食食物既，不過爸爸一直想黎試，咁就帶佢黎開心下！入黑後，餐廳偏暗，都幾浪漫既！最後差唔多走既，職員有拎個蛋糕仔出黎，因為訂台時講左係有人生日！