帝景軒 (Closed)

最近朋友話我知呢度推出龍蝦海鮮自助晚餐優惠，叫我一齊黎，一向至愛龍蝦嘅我當然盛情難卻，就決定過黎一食。酒店環境好好，唔會好浮誇，座位及佈置都精緻有心機，坐得感覺好舒服，正合我地鐘意慢慢食，愉快吹水的人。最愛龍蝦的我一開波就先去拎龍蝦了。圖中的凍龍蝦鉗，肉質鮮美，又凍冰冰好消暑。鮮蝦都好軟滑。仲有半隻蒜蓉牛油焗龍蝦，啖啖肉，好彈牙香口，可惜太好味唔記得左影佢相。蒜蓉燒生蠔，蠔唔一定要生食，燒熟食又有另一番美味。呢個蕃薯湯超好味，好香濃。三文魚、粟米等配菜也水準不俗。有即叫即燒的羊架同黑毛豬扒，都烤得火喉恰到好處，肉質可口惹味。甜品時間，琳琅滿目的選擇，至愛係葡撻，蛋味香濃。愉快食下吹下水又一餐，我地星期六食價錢都只係三百幾。