Van Gogh SENSES (Closed)

今日同男朋友週年紀念就去左呢間好特別嘅Van Gogh Senses到慶祝！呢度以梵高嘅畫做主題，成個環境都散發著藝術氣息！我地就揀左The Harvest 呢個four-course set！🔥麵包有三款，配埋自家製牛油好味！個人最愛合桃提子乾麥包，甜甜地又有咬口！🔥吞拿魚薄片配青芒, 香蒜辣椒及香草沙律吞拿魚薄片食落冇楂冇筋，青芒酸酸地配埋一個柚子醋汁酸酸地好開胃！🔥法式牛肉清湯配黑松露及芹菜佢嘅湯會係水壺到倒出黎，好特別！個湯好清甜，好重牛肉味，反而唔係幾食到黑松露味！🔥香煎盲槽魚配亞洲時令蔬菜及香茅汁個盲槽魚煎到好脆，個魚皮有少少好似食緊炸魚皮嘅感覺，而時令蔬菜係小棠菜嘅天婦羅，估唔到小棠菜天婦羅係咁夾！🔥炸原隻鵪鶉鵪鶉蛋就食得多，原隻鵪鶉係第一次食，個肉質麵幾嫰滑，加上即叫即製熱辣辣，仲好Juicy!🔥Iced Cappuccino 🔥精選甜品店員話呢個甜品靈感來自於梵高的一幅畫入邊嘅石春，表面係芝麻慕絲，裡面係雲呢拿cream，成個甜品好夾好Rich，為我地呢餐藝術飯畫上完美句號！