阿拉麵館 (Closed)

7月23日晚第一次黎呢度食飯，本以為訂咗位會有window seat,因為聽到有位人兄話有，不過佢都比咗張四人坐既卡位我哋兩個，都算係咁。環境及氣氛都算好！服務亦比一般高，而食物都算唔錯架啦，我哋兩個人叫咗四樣嘢，一半一半好食啦。個麻辣乜乜拉麵真係好好味；但係個前菜辣白菜卷就麻麻啦，冇辣味，只有勁酸味；另外個黑醋松子魚又係非常酸，攪到我成口酸味；好在仲有個唔錯既好似小籠包既嘢，都算係皮薄料足。=)至於服務真係幾好，不斷有加茶，又問我哋有冇咩唔啱口味或唔好食，唔錯！我最鍾意食服務架啦。