爵樂印度餐廳 (Moved) New Location

同個識左好多年的朋友聚舊，選了這裡吃印度菜。多年不見她仍豐采依，我就老左好多啦！星期一晚人客不算多，呢度地方唔錯，環境舒適，有三人印藉歌手唱歌，氣氛幾正。不過我地想傾下計，所以在訂位時指定要了遠離歌手那邊的吧檯位，無咁好坐但會靜些少，如果有三幾個人可以訂出面的半圓疏化位，幾好坐的。侍應人手充足，態度好亦密密湛水，唔錯。呢度有自助餐及二人套餐可叫，想多一點計，不想走來走去，所以是打散的想吃什麼叫什麼。前前後後叫了烤菠菜餅、香草羊、瑪沙拉雞及雞心豆，菜式以微辣為主，得個雞心豆係叫做辣一些。菜色以精緻為主，碟頭不算大。菠菜餅一人兩個，烤得香口，作為前菜不俗的；香草羊是舊舊羊腩，香料味道不算強烈，羊肉腍滑，幾好味道。石惜的是她不吃辣，如不是叫香辣羊仲正；瑪沙拉雞的汁濃郁好味，點naan就至適合。Naan叫了蒜頭及果仁，兩款都好味。其中果仁naan甜甜地，烤得幾香，值得一試。最後叫了兩杯lassi，埋單四百多，以環境、氣氛及食物計，不算貴，都食得過。食完再去飲野，阿士厘道勝在一行過隔離就有野飲。