花園餐廳 (Closed)

同學聚會，選左呢間餐廳，鐵板燒我一向都覺得好危險，成日驚D汁飛落隻手度，呢間花園餐廳都比較迫，食客空間唔多，所以要小心彈到手，而且太多人幫襯，侍應都未必即時回應到你。叫左個晚餐，味道唔錯，幾入味，而且塊雞扒好大塊，不過薯菜好似唔多，同埋蔬菜都比較少。以為呢間餐廳好快趕我地走，點知我地都坐左兩個幾鐘，響度傾計都冇人催我地埋單，侍應的態度都唔錯，不過唯一缺點係環境太細，所以上菜時候D味好攻鼻，令到人好想咳，而且比較熱，食到成身汗，我都要除左件衫。