花園餐廳 (Closed)

行經旺角，要食個快飯，咁就黎試下花園。話曬都係呢處開左咁耐，但就未幫襯過，今日終於黎食。其實門面都知係d 好old school 既店舖，果然入面既裝修都有港式舊茶餐廳既面貌。D 員工都相當有禮貌。我毫不猶豫揀左個1號牛扒餐，揀左意粉。同埋要左個紅湯個羅宋湯不過不失，味道普普通通。終於等到個餐黎，分量都夠多，而且個扒係大塊同厚，食落好淋，好易咬，同一般茶餐廳唔同。呢個水準對得住呢個價錢！！最緊要係地點夠方便。

好耐都冇食過花園餐廳，見到午餐嘅餐牌,價錢都係五十幾六十幾, 都算合理 ,就走去試喇 問啲 侍應 菜式係點樣,佢哋完全唔識答e. g 純粹問佢呢個係咪焗，佢都唔識答， 純粹敷衍我 叫咗個白汁 菠菜魚柳意粉 一開始以為係成碟拎去焗爐焗 ，但好似我誤會咗 。。。。不過 都算收貨嘅, 70蚊有找呢個係西冷, 待應冇問我哋幾多成熟，我諗係工廠式生產 。。。果然牛排又硬又硬唔好食，好乾，食第一啖已經唔想再食落去 呢間嘢真係純粹為飽肚 下次 唔建議再食 ，牛扒硬到飛起

花園餐廳係80年代。本人童年時的高級餐廳。每到聖誕節爸媽有去食聖誕大餐。到現在雖不及傳承時期。但無論質素服務都不太大改變。貫徹始終港式鋸扒風氣。但我特愛田螺伴聚。

前日同個fd去街，唔想食飯，唯有剧扒啦，老牌店花園餐廳唔駛介紹都識啦～相信大把人食過入到去唔知食乜好，望見隔離抬個扒餐幾正，就問下佢食緊個個叫咩餐，佢話黑椒牛柳，咁我就同待應講要個同佢一樣，個餐黎到，好大份下，但食落就真係麻麻地，因為我已經叫5成熟，食落都係鞋口，反而個fd叫個t骨仲好食，可能牛柳同扒有別🤷🏻‍♂️

宵夜時份，3個女仔打算食個宵夜，喺旺角打算入間坐得舒服嘅餐廳，就去咗歷史悠久嘅「花園餐廳」，真係估唔到可以令我咁難忘！我地入座後就好正常地點餐，因為係宵夜，都唔想食太多，以免頂住個胃瞓唔到，所以3個人叫咗2個餐，個男侍應都唔知有心定無意，問咗我兩次︰「您地叫2個餐咋？」，我地女仔食呢個份量嘅宵夜，我覺得好正常囉！我唔明點解佢要嫌棄我囉！餐湯同餐包都好正常吞拿魚火腿焗意粉都正常！呢個扒就出哂事喇！外面睇上去都好地地！我地落order時要5成熟，出到嚟生到根本食唔到，我地搵個侍應嚟反映，佢竟然話︰「您地叫生d架嘛！」，我咪同佢理論囉！「我地要嘅係5成熟，根據您公司標準，呢個係咪5成熟？」，佢先死地地話︰「呢個大概2-3成喇！」，我咪叫佢換過囉！出到嚟，咪又係剛剛果件牛，d汁乾哂！又over cooked，真心覺得唔想比錢囉！食到一肚氣！激死我喇！之前仲要叫咗熱飲，又嬲又慶呀！

嚟親旺角，如果想食扒餐，第一時間一定會諗起花園餐廳無論係揀豬牛羊邊一款，都係大件夾抵食，件扒夠厚身，切完放入口真係一種享受食扒配薯菜永遠都係最夾，食完呢餐真係好滿足

今天午餐去吃花園餐廳，整體還不錯，挺化算的，味道可以😂😂要是中午想吃個平平地嘅扒餐是個不錯的選擇🤔有羅宋湯/忌廉湯選擇$54西冷牛扒連薯菜/意粉/飯*另加一

打完十號風球，第二日，交通非常混亂，公司放假一天。因要出旺角印野，所以都係旺角食晚餐-花園餐廳。男友揀左西冷牛扒，我就揀左大蝦烏冬，大蝦烏冬份量好大碗，湯夠清淡，不過d蝦較老，不過有菜同栗米搭救，不過不失。飲品揀左凍檸賓同熱好立克。加左套餐價錢，有埋餐湯同餐包！

今晚和一班朋友聚會，來到旺角花園餐廳， 雖然有兩層，但枱都比較擠迫，比較起我之前去其他分店的花園餐廳，環境都比較遜色。我點了晚餐T骨牛扒，不要鐵板上，我要碟上所以叫了八成熟。牛扒上抬後，只有3成熟，切開裏面的肉全是生肉，一切有好多血水滲出來。不知道是把刀不夠鋒利，還是牛肉太韌，很難切開。真的太生食不到，就麻煩店員替我拿入去弄熟點。後來再食就可以了，但就變了全熟。要5杯水，叫了三次才有。其間店員比較怠慢，明明之前去過其他花園餐廳的分店，其他員工是很積極，很勤快。但這分店的員工就在看手機，麻煩他們拿杯水就像是打擾了。希望管理上會有改善。

花園餐廳，的食物比以前好差，而且啲扒是酸，好似隔夜扒，以為醃得好咸，可以遮蓋酸味，還以為我不知道，食物是隔夜，我上一次來花園，同經理講可不可以坐卡坐，他居然話不可以坐，難怪没有客，塊牛扒煎得好乾有好黑，棵才更似謝了的才，薯條比汁遮蓋，搞到薯條淋晒，還有最初我點了餐，還有飲品，我都未講完，待應就急忙走咗，其實我還想講杯雪糕紅豆冰，要叫起，回想最初的花園餐廳，啲食物oK，而且份量好多，而且味道好味，為什麼現在的花園餐廳會給人印象是變差，待應的態度，都沒有笑容，有沒有講歡迎光臨，給人印象好冇生氣，我還以為，自己入了一間賓儀館，餐廳的燈光好暗，搞到個人，好冇心機進餐，難怪待應都冇心機，而且想睡著一樣，花園餐廳改善的地方，應該將燈光變光亮，食物要保持新鮮，因為份扒都一百幾十元，比人吃的是隔夜扒，有怎會有人去光顧呢？我希望下一次再去，會有改善，不會令人失望.還有杯紅豆冰好冇味道，是好淡，真的令人好失望，幫襯第一次，不會有下次，希望花園餐廳高層，看完這篇文，會去重視，盡快改善。·

由於真係好耐無据過扒，今日行過旺角豉油街，心思思好想食，決定去幫襯花園餐廳!通常我都只會幫襯其晚餐，午餐据扒都係第一次!我地叫左2個午市特餐西冷牛扒，一個配意粉，一個配薯菜 ; 一個配紅湯，一個配白湯！白湯一般，除左粟米外，冇其他配料，西冷牛扒口感怪怪，肉質有點膠膠地，又煮到熟過頭，或者午市碟上及無得選擇幾多成熟吧！最接受不到的是意粉，一上檯，已見到硬硬的，應該只是求其煮一煮就上檯，又乾又無汁!唯有問侍應拎汁，但顏色跟碟中的有點不同，真的見到都怕怕！

花園餐廳是傳統的港式西餐。晚飯時段更有鐵板餐提供，價錢大概是100-120元左右。算是十分便宜的鐵板餐。今天晚飯點了一客鐵板T骨餐，隨餐更附上了餐湯和餐飲。餐湯有羅宋湯和忌廉湯選擇。而鐵板T骨排送上前，待應會先詢問你要選那一種醬汁，有黑椒和燒汁選擇。而我則選了黑椒汁。鐵板送到時的感覺便是T骨排十分巨大，鐵板那隻牛也快盛不著。T骨的肉質尚算軟淋，肉味則是一般，可是肉中有一些筋腱沒有被處理掉，當吃下時需要再三咀嚼。黑椒汁的味道不錯。整體表現平均。

讀書個陣已經見到呢間餐廳！我諗佢有十多年歷史。 今日心血來潮。專誠走上去試下！六點多鐘時間一上去！竟然差唔多全場full哂！ 好彩都仲有一個卡位畀我坐晚餐大概80至100蚊左右，合理價錢 叫咗一個西冷牛扒鐵板餐！落單之後大概八秒左右！已經有個湯同埋餐包擺咗喺我果張枱上面你冇聽錯係八秒呀！！！ 光速一般的侍應， 超高的效率！ 菠菜忌廉湯熱辣辣又好味...牛扒同都係大概十五分鐘左右就已經出現！！！真係快到你唔信 食物分量超大牛扒味道都幾好， 爽口又吾靱。口感一流！黑椒汁惹味，薯條雖然被黑椒汁淋隰！仍然又熱又脆口...食物多年都是保持水準！待應生招呼吾錯唔怪得之經常爆！有機會又來

訂咗飛係百老匯睇戲，重有成個鐘，於是乎過花園餐廳食飯。落旺角無數次，都係第一次去旺角哩間花園餐廳。花園餐廳原來有三層，地下只係入口，其實佢地最出名係鋸扒，我都係入到去先知，因為一直唔多留意花園餐廳，唔好怪我細路仔唔識世界。點咗一客紐西蘭西冷牛扒，一客紐西蘭羊仔扒，牛扒要7成熟，羊仔扒8成熟。餐湯羅宋湯同粟米忌廉湯各一客，聽聞正宗羅宋湯入面有少少牛腩同有少少辣，哩碗羅宋湯當然無牛腩，不過好彩湯唔辣，啱我口味啦。粟米忌廉湯如果加倍濃郁更理想。兩個扒上枱，塊鐵板夠熱，芡汁淋上去時即時聽到鋸扒最美妙嘅咋咋聲，煙霧馬上上升。牛扒點7成，結果黎到係五成熟，羊仔扒8成，上枱果d得六成熟，牛扒點黑椒汁羊仔架點蒜蓉汁。由於我比較中意食熟少少嘅牛扒，得五成，生咗d，只得六成熟羊仔架口感比牛扒差，騷味亦比較重，相信8成熟更啱自己口味。做人永遠格離飯香d，見到格離枱份牛扒，份量好大喎！夠鐘入場睇戲！

以前食牛扒都會去呢間食，食過不下20次，點知半年無去，水準服務一落千丈！除非有改善，否則我以後不會再光顧。1。漏單，上完湯後20分鐘都未上主菜，催過幾次，連比我們遲來的客人都上了菜，問侍應聲稱“食物品種不同” 2。服務極差，要一杯熱水，分別向2位待應同經理取，最終都沒有，算數。3。落餐茶，落左3次，由叫餐開始叫起，直到食完主菜都未到，還要落錯。4。最重要，叫7成熟牛扒變全熟，乾到食唔到，實在忍不住叫待應換過。待應立刻換過無留難，但我已經無胃口了。