新泰東南亞餐廳 (興旺閣)

Open Now

Now Closed

泰式餐廳、東南亞食品食唔少，又好食又坐得舒服可以選這間。餐廳好大，有幾層，設計有特色，有窗口位，可望到街景。食物選擇多，最吸引是咖喱蟹，不過海鮮價，今次要$485，有點貴，所以下次先食。不過見到餐牌既蟹真的非常吸引，所以影相當吃了。黃薑飯春雞亦是非常吸引，但似乎會很飽。今天不太餓，下次先食。餐廳內佈置不錯，有特色畫加上射燈，還有一串串小燈泡，氣氛很好。食物方面，有各式各樣咖喱系列，個人比較喜歡那種黃色creamy又有蛋香既咖喱。所以點了咖喱蝦，蝦炸得香口，內裡嫩滑彈牙，同咖喱味道好夾。一碟有10隻蝦左右，份量合理。點咖喱當然要配薄餅，$32有八塊，不錯。如果有手抓餅就更好啦。柚子蝦沙律亦非常美味，份量足四人食。酸酸甜甜好過癮！