百味鮮

Open Now

Now Closed

Sat 16th Mar只係開張咗幾個月，光猛乾淨企理，招呼殷勤到位。由門面、餐牌、裝修、餐具…. 都睇得出係有心經營。早嚟早享受，坐喺窗邊位，睇住出邊繁忙嘅街道車來攘往行人匆匆，自己就與一班好友喺度gathering。that’s life。湯底好足料有滿滿椰肉，椰子味特別香濃，湯底滾起後店員放雞件入鍋。湯頭鮮甜美味，雞件肉質鮮嫩好滑，啖啖肉。海鮮拼盤。有鮮海蝦，上枱嘅時候啲蝦仲會郁，鮮甜爽口。扇貝 超大隻同樣係新鮮美味。鮑魚 洗得乾乾淨淨、蜆 隻隻都肥嘟嘟 一粒沙都冇。全部海鮮都極新鮮。特級雪花肥牛雪花紋好靚，店員即時手切好新鮮👍🏻大大塊，滾幾秒就食得😋肉味香濃軟滑屬於高質量嘅牛。蔬菜 嫩綠醒神最後一個臘味煲仔飯，配料肥瘦適中，油香十足，豉油撈個飯，未食已經聞到香🤩。食得出臘味用料上乘，飯撈埋煲底層油好有米香，火喉控制得啱啱好唔會太乾太燶。