Video
6-min walk from Exit A2, Cheung Sha Wan MTR Station
continue reading
Telephone
68412448
Opening Hours
Today
17:00 - 02:00
Mon - Sun
17:00 - 02:00
Above information is for reference only. Please check details with the restaurant.
上次同表哥食馬拉嘢嘅時候，佢話佢屋企附近新開咗間火鍋店「百味鮮」，有款二人套餐性價比幾高，有個雞鍋，一份菜，再加份煲仔飯，三嚿水都唔使，值搏率高，所以，今晚又同佢聚一聚，嚟到「百味鮮」嘆吓！一睇就知新開無耐，由門面，到內籠都非常新簇，一室以紅色為主調，裝修比較摩登，地方好光猛闊落，感覺唔錯。我哋就揀個靠牆位，因為可以對住部大電視嘛！基本上我哋嘅目標明確，就喺「招牌二人套餐」（$288），有4款雞鍋同4款煲仔飯供選擇，仲包埋一份時令蔬菜，此外，順便都影埋成本餐牌及點菜紙俾大家參考，包括餐前小食、其他套餐，以及各式各樣嘅火鍋配料。坐落無耐，好似啲酒樓咁，上碟雜豆小食，都要收$15架。再嚟喺食火鍋必備嘅醬料，侍應會先擺上一盤醬料俾大家撈，中途想再添嘅話，可以晌出面（正正大電視底下）有個自助醬料區，自由取用，提一提，醬芥收費每位$10。玉泉忌廉、可口可樂 @$13食火鍋點可以無汽水架，尤其喺樽裝，更有感覺。海南雞椰子鍋（套餐）隨後，侍應就送上整煲椰子雞鍋及整碟鮮雞，話半隻雞，但感覺好似唔止，而個湯底都未滾起，已經聞到陣陣椰子香味。睇番枱面嘅介紹，喺用咗海南椰子同放晌果園放養280日嘅走地雞，為咗食到最正嘅鮮雞，仲教埋你點食法。先飲咗啖湯，真喺勁清甜，之後按指引落雞，滾5min後熄火食雞先，此時啲雞真喺幾嫩滑，仲好有雞嘅甜味，皮下脂肪極少，足証喺走地雞喔，沾上自製嘅混醬，更加有提鮮之效，我哋異口同聲都覺得唔止半隻雞，好似食極都有咁。黑豚肉拼肩胛肥牛 $98我哋都幾鍾意食肉，既然有個椰子雞鍋，就叫多一客黑豚肉拼牛肩胛嚟打下邊爐。兩者都色澤亮麗，睇落已感覺好唔錯，雖然無講明黑豚嚟自邊度，但肉質好嫩滑，充滿油脂香，而牛肩胛都好正，輕灼一下，入口既有肉味，又有脂香，非常腍滑。時令蔬菜（套餐）食咗咁多雞牛豬，都要搵啲菜嚟平衡吓，個二人套餐奉送時令蔬菜一份，而呢一晚就喺油麥菜，刻意唔好淥咁熟，所以，入口仲保留份爽脆感，又有菜味。窩蛋滑牛煲仔飯（套餐）雖然啲臘味飯會惹味好多啲，但大家都好耐無食過窩蛋牛肉飯，所以就揀咗佢。為免啲牛肉焗得太耐變韌，所以，最好同侍應講後上，預番少少時間先叫起。嚟到侍應會幫你落甜豉油再拌勻啲飯，啲飯粒爽身，撈咗甜豉油特別好食，最正喺煲底有啲脆卜卜嘅飯焦，啲牛肉切成片，非整成肉餅，咬落都幾軟腍，食埋個煲仔飯真喺飽到上心口。原來表哥第一次食椰子雞煲，佢話感覺唔錯，好有新鮮感，仲可以試埋煲仔飯，喺幾唔錯嘅配搭，唔知出面多唔多火鍋店有推出咁嘅組合，總之，對我哋嚟講，算喺搶佔咗先機。
continue reading
原來足料煲仔飯也可食營養滋補豬肚雞火鍋，朋友介紹去百味鮮～港鐵長沙灣站A2出口，步行約6分至7分鐘。店內裝修新穎，座位寬敞，清潔衛生，牆上掛滿這店的推介火鍋名稱，是日新鮮海鮮及多款肉類等。菜譜簡單易明，各式火鍋食材，多款煲仔飯及飲品，還有多款套餐，應有盡有。白胡椒豬肚雞（半隻）套餐$288奶白色的湯底，翻滾著雞件和豬肚件，服務員貼心提議客人在滾湯加上芫茜和蔥花，特別提升湯的清香味，可多喝幾碗靚湯，陣陣胡椒香濃雞湯味，火喉十足，入口鮮甜非常舒服，一碗接一碗不能停口，好飲極了。豬肚很嫩冧，吸入胡椒湯汁，好食到不得了。果園走地雞果然別不同，雞肉嫩滑有嚼勁，雞味濃郁，每件入口都是享受。臘腸排骨煲仔飯煲仔飯很有港式風味，上枱時發出陣陣飯香味，臘腸衣脆肉甘香，調味恰好。排骨脆肉爽口，肥瘦適中。飯粒分明，彈牙有嚼勁，配上濃香豉油，叫你多食幾碗！娃娃菜娃娃菜放落鍋中，吸盡湯內精華，鮮甜又可口，在濃香中找到清新的味覺。
continue reading
三個人不算大食的人，埋單$1200，都飽著肚。叫了牛肉（大份）、白鱔、豬膶、萵筍、桶蠔、蝦滑、墨魚滑、三文魚刺身。牛肉味都有肉味，感覺都不錯。白鱔爽啊。豬膶就一般。桶蠔有半打，其中幾隻都大大隻，煮完也不太縮水，算飽滿果類。三文魚刺身，原本厚切都很歡喜，但食到細骨，頓然欣然度銳減。我哋叫了椰子雞湯，雞有肉，但欠雞味。椰子湯都有少許椰子味。整體合格，但回頭不高。
continue reading
店面睇落乾乾淨淨原本好有期待外賣胡椒豬肚雞回家食好失望豬肚係苦嘅雞肉明顯唔係新鮮（利申：食過好多間椰子雞）如果食288嘅套餐cp值係ok食物質素 侍應培訓有待提高
continue reading
即使氣候回暖仍是那麼多人，原來這間火鍋店二超高性價比套餐，吸引客人$288 椰子雞湯+一個煲仔飯+菜拼！抵！招牌二人套餐$288海南椰子雞🐓半隻雞由生煮到熟，浸沒在清甜的椰子🥥雞湯中，湯底非常清甜，雞件僅熟時是最多汁的！窩蛋牛肉飯🍚真的很久沒吃，做到薄薄一層的飯焦，雞蛋牛肉跟飯的比例平衡，做到一啖飯一啖肉追加)韭菜餃拼雲吞🥟48.00韭菜餃皮非常薄，蝦餃肉10分緊致，性價比不錯三文魚腩刺身🍣64.00非常肥美，放到椰子雞湯內煮至半熟更加好吃醬芥(位)20.00小食15.00這種性價比，難怪那麼多人！百味鮮 (長沙灣)長沙灣東沙島街青山道181號地下C號舖
continue reading