Shelter Italian Bar & Restaurant (Closed)

早排去日本幫朋友買左啲限量版手信, 佢為左報答我, 帶左我去呢間餐廳請我食好野。呢個焗野生銀鱈魚伴露荀伴青口, 就非常之啱我口味, 青口同蜆肉嘅size夠大, 鮮味十足, 非常之有誠意!而銀鱈魚柳啖啖肉, 啱晒中意食海鮮嘅我, 而且呢件魚塊焗一焗先上菜, 香味十足! 而點綴嘅鮮蜆汁亦係精華所在, 將成碟海鮮嘅味道昇華!呢度嘅野食出色之餘, 個景都好靚好吸引! 係餐廳嘅小花園用餐, 再望住銅鑼灣個夜景同朋友傾計, 寫意人生其實可以好簡單!