Elephant Grounds (Closed)

今日同朋友嚟食晏，選擇唔多（10款以內），我地就一個揀咗食佢地嘅signature burger ,一個食tuna mix sandwich.佢地地方超空曠，係個幾適合傾計嘅地方。同埋好光猛，感覺好舒服！食物嘅貌相非常唔錯，好能引起人嘅食慾。但係一食落口就有啲失望。我個tuna sandwich個包係烘過嘅，見到外面都係金黃色嘅，不過一食落口係林咖。唔係軟熟，係林呀！然後一啲都搵唔到烘過嘅脆口嘅口感。啲tuna mix又過咸，同埋好似無乜誠意，就咁開罐頭吞拿魚嚟serve人咁。唯一欣賞嘅係佢伴碟嘅粟米。佢烤過嚟嘅，同埋都有啲seasoning，食落去有粟米嘅甜又有seasoning嘅香，真係唔錯！就咁一個普通嘅sandwich唔跟飲品都成72蚊個人覺得有啲貴。至於我朋友個burger我無試到，不過佢食咗一半就放低，咁大家都估到好食極有限。整體而言，我覺得呢度sell 環境多過食物。得個名，無乜內涵。只能比5/10。