柚屋 (Closed)

琴日去完成日街，今日天氣又唔好，就求其去長沙灣搵嘢食。之前見到柚屋評價唔錯，所以就同小寶仔試一試。店內比較細，大概只有15個座位左右，幸好今日冇人排隊，我哋就好快可以坐低試吓呢度柚子嘅食物。這裏嘅食物，基本上都會包含一杯黑咖啡或茶，而我哋就想試其他飲品，那杯飲品就可以減＄12。我就點了個柚子胡椒雞扒野菜沙律，這個味道清新，唔會有好多沙律醬，我食沙律最怕太多沙律醬搞到冇咗一種好Fresh嘅感覺小寶仔就點了一個柚子胡椒鮮野菌意粉，這個我哋就有啲失望，我就覺得有啲鹹，冇柚子味，而且那種辣並不是胡椒那種味道。野飲方面，我就叫了一個抺茶朱古力latte，杯野嚟到嘅時候，真係想嘩一聲，層次分明又好靚，不過比較細杯。味道唔會太甜，抹茶味濃但係飲唔到朱古力味。而小寶仔就點了一個熱柚子朱古力，第一下飲落去覺得好甜，但飲飲下，就發現有柚子味，味道都幾好。