上海佬餐館 (Closed)

BOOK定位去到唔駛等餐牌太多選擇~睇到眼花撩亂，一人餐D野食都唔錯喎，可以食到好多道茶茶要左鐵觀音~幾好飲，飲完陣茶香重停留喺喉嚨度鎮江餚肉~賣相已經一流，幾好味，細細舊易入口。花雕油醉雞~雞夠滑，酒味香濃。香干馬蘭頭~第一次食覺得好得意，外面果層好似腐皮，夾埋馬蘭頭一齊食，好清。雲石豆腐羹~清清地無味精，有蟹肉絲，豆腐絲好滑，幾好飲。梅子排骨~酸酸甜甜無咩骨，細細粒啖啖肉~肉香又唔韌。腰果蝦仁~清清地，蝦仁炒得好爽口，腰果夠香。黑松露灌湯小籠包~講真我食唔到黑松露味，D肉見到一點點黑色，應該就係黑松露喇，味道OK，熱辣辣好多湯汁，但無咩特別驚喜。火腿津白~火腿只係點綴，津白夠淋身，味道唔太濃，幾清幾健康。紅燒獅子頭~肉好淋，一咬就散，肉味清甜。水晶桂花糕~睇外表平平無奇，食落真係驚為天人呀!!!口感唔錯~唔軟唔硬岩岩好，好清甜，食多幾舊都唔會漏。擂沙湯圓~即叫即整，外皮煙韌，裡面芝麻好香好濃郁，甜度適中，超好食。