Video
Read full review
2015-10-27
601 views
唔知大家有冇聽過豆腐人呢？係來自日本一個character嚟。小妹同朋友都好buy佢，而咁啱近排有間日式拉麵鋪就搵咗豆腐人搞promotion，所以就擇日去棒下場。嚟到門口，果然見到成個豆腐人佈景紙板，不過好似比小妹心中型咁多嘅。。一坐底，四圍望吓，樓底夠高，參考日本風格裝修，同埋最最最重要係有海景睇，呢個位值得加分，有得望下個海真係食嘢個人都會舒暢啲。入到去睇睇menu，小妹係一心想叫有豆腐人個虎洞拉麵嘅，不過睇下諗下。。又唔係真係咁想叫。。可能真係唔吸引。。到最後就叫咗呢度嘅自家拉麵。自家拉麵有三款湯底：白虎、赤虎、黑虎，同有可以配三種肉：日式叉燒、薄切豚肉、豚角煮（即類似東坡肉）。小妹連朋友總共三個人，啱啱好可以叫哂三款湯底match三款肉。仲有，麵嘅硬度係冇得簡嘅。而我哋始終冇miss到豆腐仔，特登問下侍應可唔可以就咁單叫刻有豆腐仔樣嘅蛋，又okay喎！總叫嚟到見過下面咁啦。先講碗白虎湯底配日式叉燒拉麵。湯底雖然話係白虎湯底，應該有番少少膠質嘅味道，但其實完全飲唔出，同埋反而有少少帶酸同埋真係好鹹，鹹到覺得碗嘢好重口味，老實講唔太掂。日式叉燒就好普通嘅貨色，冇咩值得著墨。麵亦係
嚟到門口，果然見到成個豆腐人佈景紙板，不過好似比小妹心中型咁多嘅。。一坐底，四圍望吓，樓底夠高，參考日本風格裝修，同埋最最最重要係有海景睇，呢個位值得加分，有得望下個海真係食嘢個人都會舒暢啲。
入到去睇睇menu，小妹係一心想叫有豆腐人個虎洞拉麵嘅，不過睇下諗下。。又唔係真係咁想叫。。可能真係唔吸引。。到最後就叫咗呢度嘅自家拉麵。自家拉麵有三款湯底：白虎、赤虎、黑虎，同有可以配三種肉：日式叉燒、薄切豚肉、豚角煮（即類似東坡肉）。小妹連朋友總共三個人，啱啱好可以叫哂三款湯底match三款肉。仲有，麵嘅硬度係冇得簡嘅。
而我哋始終冇miss到豆腐仔，特登問下侍應可唔可以就咁單叫刻有豆腐仔樣嘅蛋，又okay喎！總叫嚟到見過下面咁啦。
先講碗白虎湯底配日式叉燒拉麵。湯底雖然話係白虎湯底，應該有番少少膠質嘅味道，但其實完全飲唔出，同埋反而有少少帶酸同埋真係好鹹，鹹到覺得碗嘢好重口味，老實講唔太掂。日式叉燒就好普通嘅貨色，冇咩值得著墨。麵亦係好一般，食落質地偏淋，浸湯浸得耐咗就更加淋。反而配菜就有番少少驚喜，筍做到幾爽口，紫菜亦唔失色，叫做幫碗麵加番啲分。
跟著到赤虎湯底配薄切豚肉拉麵。第一眼望落去見到湯偏少，仲以為突登要整到個湯濃啲，之後問過侍應原來真係俾少咗湯。。但見佢加湯時係加番白色嘅清湯，搞到feel到碗嘢好似溝淡咗咁。。。而碗嘢溝左湯之後，都仲係好紅嘅，不過其實唔係辣，而比較大問題嘅係碗嘢係一樣咁鹹，飲完啖湯甚至有啲痴口。。。食落，麵質同樣係淋身，豚肉就比想像中好，有肉味有咬口。蛋都鹵得入味，但因為碗野好鹹，搞到隻蛋食落就更加鹹。
最後係黑虎湯底配豚角煮，見到碗嘢，蒜就冇乜，反而就見到好油。飲咗啖，黑蒜味其實幾出，但係完全比碗嘢嘅油膩同鹹味覆蓋咗，有啲失色。麵質同樣係太過淋身，咬感唔得。至於隻蛋，咬落入面啲蛋黃係真係流心嘅，但唔知點解食食下就會覺得有啲「鞋」。
差啲唔記得mention隻豆腐仔蛋，外型夠得意，同埋個樣cute番啲。至於味道，本來會expect佢會比跟湯嘅鹵蛋滑身啲，點知最後係食得出「鞋」身。。。算啦，呢度啲嘢開始比小妹感覺都係得個款。
另外仲有隻自家製辣椒醬可以mention一下，隻醬本身就收貨夠辣味嘅。不過喺度提一提一樣搞笑嘢，小編其中一位朋友一開始以為個醬入面撈埋咗好多芝麻，小妹同另一位朋友就反駁個啲應該係辣椒籽，點知最後問過店員，原來個啲真係芝麻嚟。。。
總結，呢度一碗野七十幾蚊，位處尖沙咀地區又有海景睇，算係抵食。不過味道方面就真係不敢恭維，麵就清一色偏淋，湯又太過鹹，總之就係食完一次就會算唔想再嚟個種感覺。抵食度：3.5/5
好味度：2.5/5
Post
