萬發海鮮菜館

Open Now

Now Closed

一直都有幫襯開萬發食小菜，呢間鋪頭已經開咗一段時間，今日終於有機會試吓。呢間鋪頭唔太近地鐵站，由深水埗站行去要大概8分鐘，唔熟深水埗嘅朋友我建議行長沙灣道再轉入黃竹街會比較容易搵。店內環境比一般深水埗小菜館舒適，亦冇咁嘈。我哋四個人叫咗四個餸。入咗單唔夠2分鐘就出咗碟豉椒炒花甲，味道同份量都可以接受，但唔算太突出。跟住嚟半隻霸王蔥油雞，雞肉嫩滑，砂薑醬一流。這味餸比較滿意。跟住上啫啫生菜，石鍋非常夠熱，上枱仲滾左5分鐘。但隔一陣發覺好多油，所以奉勸大家要盡快夾在碟上唔好留在砂鍋度。最後到係砂鍋焗魚頭魚頭入味，夠香。但係鍋裏面有好多豆腐同火腩，魚頭嘅份量較少，美中不足。有機會你再試吓佢其他招牌菜。買單四百幾蚊算係經濟實惠。