萬發海鮮菜館

Open Now

Now Closed

夜晚10點半 唔知食咩好 就揀左呢間唔知呢間同九江街有無關係啦 叫左4個餸蒜蓉豆苗 $98 - 正常發揮啦薯仔牛柳粒 $148 - 正常發揮砵酒蠔 $198 - 正正常常啦 可以再多少少味豉椒炒蜆 $128 - 呢碟就奶哂野食落去完全無味 好似白灼 同番個staff講 直情比佢試埋 佢都話淡左d 佢就幫我拎去廚房再加料啦出到黎 同我講加左d辣同豉椒 試完 都係無味點樣可以豉椒炒蜆 炒到好似白烚蜆肉咁。不過佢d份量係好足既 味道就差咁d囉對我黎講 黃竹街分店就無下次了。

人均消費：$100-200推薦指數：⭐️⭐️⭐️⭐️⭐️一早就知萬發好出名 今日約咗班朋友出嚟食飯 專登過去試一試佢 睇吓係咪真係有料到先😏1）椒鹽鮮魷🦑 $148鮮魷好香脆，粉漿唔會太厚。用料新鮮非常，唔會feel到好韌咁。份量都算幾大碟，食之前再加少少醋會更加好味2）黑椒薯仔牛柳粒🥔🥩 $148萬發名物之一。牛肉軟腍，薯仔炒得夠焦香。味道啱啱好，夠哂鑊氣，真係唔食唔得！😝3）啫啫通菜煲🦐 $88食咗好耐仲熱辣辣，真係好好食同好惹味！通菜唔會太老，食落爽口。仲好掛汁添jeng😍4）咕嚕肉🍍$118肉炸得相當通透，唔會太乾太鞋。粉漿薄薄一層，肉量唔少，冇成口都係粉既感覺。調味偏酸，不過都啱啱好，唔會太過份😙5）魚香茄子煲🍆 $108茄子惹味，帶少少辣。鹹味同茄子好夾，吸哂d汁咁。用嚟送飯真係一流😎最後6個人食飯，埋單每人唔洗2舊水。味道幾好而且有鑊好，抵過其他餐廳好多!

今日嚟咗萬發食飯，呢間係我食咁多間大排檔之中我覺得最好食嘅每次我都必點雜菜粉絲煲同椒鹽九肚魚雜菜粉絲煲份量好足，而且個湯好好飲，唔似有啲舖個湯鹹到飲唔到！椒鹽九肚魚層皮炸到好香脆，但係啲魚又可以保持到好嫩滑，我自己都差唔多食晒一碟！個豬肚煲都好好味，啲豬肚一啲都唔韌，而且一啲異味都冇！三個餸啲份量都唔少，本來仲想嗌薯仔牛柳粒，不過食完呢三個餸，我哋已經好飽，唯有留返下次叫多幾個人一齊嚟食嘅時候先再嗌啦！

🇭🇰萬發海鮮菜館·深水埗嘅大排檔我想食好耐㗎啦 呢間佢係喺舖位入邊既 光光猛猛咁樣 感覺幾乾淨😈🤣·黑椒薯仔牛柳粒$138 l 金牌風沙雞(半隻)$138 l 薑蔥生蠔煲$188 l 啫啫生菜煲$88 l 生炒骨$118佢呢幾款小菜我全部都覺得好好食🤤佢最出名嘅黑椒薯仔牛柳粒真係好正 牛柳質感好好🐮之後佢啲薯仔係煎到出面好脆 入邊軟糯 好好食🥔風沙雞雞肉都好味 而且雞皮超脆校際🤤薑蔥生蠔同啫啫生菜煲都係超有鑊氣🔥最後個生炒骨肉質都好好 而且個咕嚕汁上得好好🐷·萬發小炒王$118 l 豉椒炒蟶子呢兩個都唔差嘅 但係我自己就覺得稍為失色少少🫢🫢佢個小炒王唔算好惹味🤔之後個豉椒炒蟶子 個蟶子煮到啱啱好嘅 但係我自己覺得個豉椒汁有啲太多 所以會有啲太鹹🤣🤣·#rbyeat#rby港式#rby深水埗·📍深水埗九江街150-152號地舖

薯仔牛肉同以前個味道差得遠，以前係好好食，現在叫好普通又唔叫難食，風沙雞半隻，好細隻雞同肉質有點乾，蠔餅可以，其他餸我覺得算係一般質素，唔知係咪轉咗廚房佬？往後唔洗特別來尼度，試吓其他

超抵食大排檔🥳星期五放工同一班同事當然係食大排檔啦🥰今次簡左係深水埗嘅萬發海鮮菜館環境都算大 可以坐到好多枱不過都full 好彩我地訂左位👍🏻金牌風沙雞（全隻）雞比我地想像中大隻😍個皮係整到好脆 而個雞一啲都唔老超嫩滑🥳🥳 係連雞胸肉都覺得好食👍🏻👍🏻6人以上可以叫全隻 因為好好食🤣薯仔牛粒薯仔好大粒 表皮整到好香 有少少燶邊牛柳粒都好入味👍🏻 唔會太靭避風塘海蝦避風塘海蝦啲蝦都好大隻🥰不過呢個就相對貴啲 $198大概有八隻 避風塘都炒得好香～ 好啱連埋飯一齊食👍🏻豉椒炒蜆黎大排檔一定要叫豉椒炒蜆！呢個份量比我想像中大份👍🏻 餐廳都落得好足料 有好多隻蜆😍而且豉椒香味都好夠煎蠔餅炸得夠脆👍🏻入口仲係酥脆 而且入面個餡料都足料咕嚕肉就正常發揮🥰最後埋單連酒水、白飯、茶位 7個人先$1200左右👍🏻👍🏻大排檔黎講份量好足！好食價錢又唔貴

深水埗小炒，萬發真心唔係差吖！琴晚去本身要排三張枱，佢哋都即刻開埋對面鋪即刻入座，要開酒瓶器又無黑面。叫了雞，整得啱啱好，雞胸都滑～再蒸埋斑頭腩，無蒸過龍，魚皮都係滑～再上埋豉椒炒蟶子，地道肥美聖子。叫三様都無伏，所以或者改進咗，大家俾多次機會佢地啦！香港飲食業已經捱得好辛苦了！三五知己又飲又食我仍會選擇萬發

這間被喻為天花板大排檔的小菜館，今年光顧了4次，每次所叫的小菜都從不讓我們失望😋只是店員服務態度一直被批評，不知道是我們幸運？還是我們在非繁忙時間去開餐呢🤔店員姨姨都是有禮貌的，可能只有一、兩個姨姨笑容欠奉吧，又或年長些，溝通上要花少少🤏時間，以免下錯單而已，但總不能用惡劣來形容她們服務態度，這純粹個人感覺⋯其實以茶餐廳格局、茶餐廳收費下，這服務我認為是不錯了😌反正大家是奔鑊氣小炒而來😜食物如何就不太詳細說明了，總之我就覺得保持水準，鑊氣足，調味拿捏到剛剛好、若果像我們不愛濃味又怕過鹹的，有些小菜可以落單時說明少鹹😌

今日下午5點16分，打電話去叫外賣自取，個啊姐听電話，態度勁差，已經話無下午茶，明明佢哋自己寫下午茶時間到五點半，都唔係做生意嘅。咁就唔好寫到五點半喇！仲有十幾分鐘。先到五點半！

晚黑想食地度港式小菜，近近地去左深水埗福華街萬發。呢間比九江街果間小啲人，可能相對格攝啲。今餐就清清地叫左兩味小菜送兩支清啤，第一味薯仔蜜椒牛柳粒一如以往鑊氣十足，薯仔炒到外脆內甜，牛柳粒一粒粒都係濃香厚實。第二味椒鹽鮮魷就略嫌炸粉嗰度稍為失色，不過送酒菜呢講就不過失啦。加埋兩支清啤埋單300有找。

3年前幫襯過這間餐廳,當時覺得幾好食,食物份量大又夠鑊氣,服務都OK,但3年後的今天再次幫襯,哇,所有野都退步咗好多! 我們點了一碟風沙雞,但同以前好唔同,以前D雞就啖啖肉,但現在D雞竟然冇乜肉,而且又多肥膏,我哋主要都係食骨及肥膏,好鬼油咁都算啦,但最大問題係我哋發現雞竟然有血請見圖,我唯有把有血或者不夠熟的部位咬走佢啦~我們也點了一碟豉椒炒蜆,由於我們都不吃辣的,所以落單時我們也有要求走辣,侍應也說OK的,而且也有寫低,點知上菜後我地食咗第一隻蜆後,竟然係辣的! 仲要唔係少少辣,而係幾辣!而且有沙! 於是我地心平氣和及有禮貌地反映返俾個戴眼鏡、短髮的女職員(我估佢係老闆娘或者經理之類)聽,點知果位女職員就即刻好大聲咁同我地講:「這已是今晚最後一碟的蜆,沒有其他㗎啦!你要就要,唔要的話我就直接同你取消咗去!」我地真係O咗咀,因為佢個態度就好似係我哋欠佢債咁,真係有禮貌到呢…..冇辦法啦,唯有取消啦,因為真係比較辣呀,其實如果真係做唔到走辣的話,當初落單時,係咪唔應該應承幫我地走辣呢? 我地都有點其他餸菜,但全部食物都好油! 總括而言,所有嘢都大不如前,所以我已經把這間餐廳blackl

👆🏻《 含Youtube食評》帶連登鬼仔食大排檔😎勁標準廣東話🫶🏻今天我就會同一位 Youtuber做一個featuring合作的所以今天就會帶他來吃點地道的我們叫打冷啊就是大排檔喔雖然脆漿有一點厚身但是吧咬下去是 索索聲啦炸粉是可以接受的不算說太厚的魷魚我覺得是鮮吧因為平時我吃椒鹽呢會鹹了一點兒了這個我覺得OK有時吃到一些魷魚呢魷魚鬚尤其是會粘牙的嘛這個暫時沒有粘牙感覺我剛剛食了一塊就韌了一點 一會呢會再試雞翼啊 食雞髀位剛剛吃了兩塊雞呢已經有好勁的蔥味咯即系已經好好好掂嘅為什麼帶 Brandan 來吃吧就是這裡的很有名的薯仔牛肉粒啊薯仔很腍有焦糖味喜歡他炸得很出色啊有點黑椒味喜歡他很腍牛肉又是很入味的味道吧當然是跟薯仔的味道是一樣吧好腍 好 Juicy 的炒得熱辣辣

this place is almost like a dai pai dong but everything indoor.ive been back for over 10 times now!beef and potatoes are STILL SO GOODsalt and pepper will not disappointchicken is always tender (whole chicken dishes)i always take my friends who are visiting hong kong wanted something authentic and local.THIS IS THE PLACE!!

疫情以來一直想去深水埗吃小炒，不過之前怕人多 不敢去。現在疫情差不多過了，於是約埋一班朋友去 深水埗萬發，福華街嘅一間店比較多位，所以去這一間。星期日晚好在訂了位不否則都幾難搵到枱。我哋八個人叫咗八個小菜。當中黑椒薯仔牛柳粒仍然係最好食，小炒王，雞蛋焗魚腸和大蝦粉絲煲保持水準，薑蔥魚鮫有驚喜，大家都覺得好食，雪裏紅芥蘭窩比較鹹，潮式炸豆腐就冇乜特別。我個人覺得乾炒牛河畀酒樓嘅做得好。我哋叫咗黑可樂係樽裝好細支，反而正常可樂係罐裝，一樣價錢就覺得好唔抵。唯一覺得美中不足係坐得太迫，亦因為樓底矮所以好嘈，就算我哋成班大男人大大聲都未必聽得到對方講嘢。埋單每人都係$160非常抵食。

話說夜晚10點幾，全家6個人就去食萬發，入去嘅時候，就話有得食….坐底落單，佢地就話要等至少半個中先可以，話成班員工一齊食飯，食飯大過天，咁你一開波就講清楚啦！個伙記仲要串我地話揀佢食飯嘅時候先黎，態度差到令人想打佢