六小館 (Closed)

東涌六小館🥢🥢🥢前幾日同朋友又去左東涌outlet到血拼，經過上次東涌伏食經驗，今次唔會再犯同樣既錯誤，所以我地揀左去六小館食晚飯。六小館係六公館既姊妹店，質素都唔洗多懷疑🤗清湯新鮮牛雜🐄牛雜洗得好乾淨冇雪藏味，油脂比例均勻有牛香味，加上白蘿蔔同唐芹煮成既湯底，每啖都好鮮甜。七味脆皮豆腐😊豆腐炸得脆口金黃，但係咬落去仍然保持滑嫰，Size岩岩好一啖一粒，做前菜好開胃惹味。黑杞子浸時蔬🥬黑杞子含花青素，營養豐富，係女士既抗衰老恩物。除左有白菜，雲耳，仲有秀珍菇，岩哂鍾意清淡既朋友。最後我地仲叫左鮮野菌燴飯🍚餐廳環境闊落，坐得舒服，員工亦都好有禮貌。而且價錢比六公館親民，絕對值得一試🥰