閒悠。館 (Closed)

以第一城呢啲咁屈仄地方，呢間舖算係名符其實 ，闊落寬敞不愧「閒悠」之名。加上木枱連木製食盤，飯腳都稱「好有禪意」。我食午市，套餐餐牌有「主食+小食+飲品」同「定食+飲品」兩款，前者比較抵玩，後者就貴少少，覺得無咁值。滑蛋吉列豬扒配白飯：一般的水準，就係可以想像的滑蛋吉列豬扒，無驚喜但無失望。香草檸檬原條鯖魚配白飯：值得一講，魚肉幾厚實，啖啖肉，抵讚。汁燒漢堡扒配白飯：漢堡扒好厚身，份量十足。照燒雞扒定食：定食比主食貴，加上少咗碟小食，略遜一籌。