Sky726

事關最近終於出糧啦🤩🤩上個月嘅勞動今個月要食餐好嘅去補償！今日就同@babuka_52 一齊去食呢間位於旺角嘅西餐廳，佢一直都話想試吓，所以就嚟咗啦～🤩呢間餐廳中間擺咗張正方形吧枱，而側邊就係餐廳座位，呢個設計都幾特別！🥩美國頂級安格斯肉眼扒 $358我哋嗌咗5分熟，但係建議如果唔係幾食得生嘅可以叫七成熟，五成熟比想像中都幾生😂😂但係好在啲肉夠軟林林，牛肉嘅外皮有一陣陣碳燒味，而入面肉質鬆軟。側邊嘅配菜都唔輸蝕，我平時唔係幾鍾意食蘆筍，但呢度嘅露筍食落去鹹鹹地，少少蓋過咗本身蘆筍味，所以食落去都幾OK！🍓草莓芭菲 $78呢度嘅士多啤梨雪糕感覺上幾新鮮，仲有啲士多啤梨粒，同出面嗰啲有啲分別，而且仲有類似粟米片丶餅乾等等作陪襯，整個食起上嚟都算可接受。