Video
Read full review
2011-08-21
115 views
有人介紹呢間嘢比屋企人,所以上咗去試吓. 本來以為佢响工业大廈入面個樣都唔會好得去邊, 點知出乎意料D裝修都幾OK (可能因為燈光暗睇唔清!). 厠所係細D,但都仲可以分開男女厠,轉到身同幾乾淨 XD.我叫咗個SET DINNER. 頭盤: 海膽蟹肉SAFFLE. 餐湯: 蒜頭薯仔湯. MAIN COURSE: 什麼100天澳洲牛扒 (MEDIUM). 加一個餐茶 $258. 另外開咗支紅酒: Tercia de Ulea Cosecha 2008 (Spain, $208). 叫咗三個SAFFLE甜品.第一個感覺係D嘢唔貴. 淨一個扒隨時都唔止$258. 問題係D嘢好唔好食.頭盤 - 海膽蟹肉SAFFLE: OK, 賣相同味道都唔差. 味道似CREAM CHOWDER. 但其實唔係好食到海膽同蟹肉味. 反而SAFFLE上面有一塊芝士脆片幾好食, 我幾欣賞. 塊芝士脆片係將D芝士唧落個PAN(薄薄一片), 煎脆做成. 唯一係SAFFLE個底略嫌燶咗D.黑黑哋.餐湯 - 蒜頭薯仔湯冇乜蒜頭味, 薯仔都唔多. 又係CREAM CHOWDER味. OK啦.MAIN COURSE - 100天
我叫咗個SET DINNER. 頭盤: 海膽蟹肉SAFFLE. 餐湯: 蒜頭薯仔湯. MAIN COURSE: 什麼100天澳洲牛扒 (MEDIUM). 加一個餐茶 $258. 另外開咗支紅酒: Tercia de Ulea Cosecha 2008 (Spain, $208). 叫咗三個SAFFLE甜品.
第一個感覺係D嘢唔貴. 淨一個扒隨時都唔止$258. 問題係D嘢好唔好食.
頭盤 - 海膽蟹肉SAFFLE:
OK, 賣相同味道都唔差. 味道似CREAM CHOWDER. 但其實唔係好食到海膽同蟹肉味. 反而SAFFLE上面有一塊芝士脆片幾好食, 我幾欣賞. 塊芝士脆片係將D芝士唧落個PAN(薄薄一片), 煎脆做成. 唯一係SAFFLE個底略嫌燶咗D.黑黑哋.
餐湯 - 蒜頭薯仔湯
冇乜蒜頭味, 薯仔都唔多. 又係CREAM CHOWDER味. OK啦.
MAIN COURSE - 100天澳洲牛扒 (MEDIUM):
擺碟擺得幾好. 一塊扒下面有塊雜菜煎薯蓉. 西蘭花一塊, 加半條MINI紅蘿蔔. 仲有D一絲絲GE炸嘢. 試咗味應該係洋蔥皮切絲炸成. (洋蔥最外面最乾果層皮,平日會掉果層嘢). 雖然係平日唔會食GE嘢, 但炸咗又OK喎.
如果我冇記錯, MENU寫塊扒6 OZ. 上到枱見到大約9.5CMX5.5CM大, 真係好細塊, 肯定冇6 OZ. 咁味道如何呢? 好味的話就細塊D我都原諒佢. 塊扒冇調味, 鹽味都冇. 呢樣都唔緊要,因為食牛係食牛肉味, 唔係食調味. 問題係, 呢塊嘢丁點肉味都冇. SUPERMARKET 幾十蚊塊扒都有牛味. 但呢塊嘢你食落都唔覺你食緊牛. 好利害! 但最最最唔要得GE係, 我食到D SODA粉味! 個廚用SODA粉”哪”過塊扒. 以為100天牛好巴閉, 原來就係咁.
註: 我媽食個紅魚柳都係冇乜味. (另外一個家人食單一件US牛扒, $235, 都話乜味都冇. 但果個屋企人味覺唔係太靈光, 所以食唔到SODA粉味.
汁係無花果汁, 超淡, 甜甜哋. 引唔超塊扒GE味. 我一直都興食扒點汁, 但都放棄咗D汁. 因為點咗等於冇點, 仲搞到塊扒甜甜哋, 怪怪咁. 我婆婆問我: D汁愛呢做乜架? 咁淡,點呢做乜呀? 真係一矢中的.
至於配菜個薯蓉餅, 冇味精, 都OK GE. 但又係嫌佢燶咗D.
SAFFLE甜品:
一般貨色, 嫌甜咗D.
紅酒 - Tercia de Ulea Cosecha 2008 (Spain):
枝酒我簡GE. 以$208計, 幾好. 酒精15, 係多咗D, 一般我唔鍾意14.5度以上GE酒. 但勝在本身酒味濃郁, 果味又夠, 所以唔難飲.
食完WAITRESS姐姐問D嘢點. 我叫佢自己睇OPEN RICE. 佢話可能有D嘢做得冇咁好, 但佢哋個廚好在可以保持到水準. 我都唔係好明佢想講咩. 點樣可以有D做得唔係咁好,但又同時可以保持水準? 真係耐人尋味 (SORRY吓WAITRESS姐姐,你都係打份工啫). 我心諗D咁GE水準, KEEP 唔KEEP到都罷啦. ANYWAY, 我估佢個廚功夫有D GE, 但無奈食材太差,所以返魂乏術. 200幾蚊個SET DINNER, 可能係咁上下啩? 但唔係SET DINNER個扒都係咁款喎. 不過公平D一句, 依家外面成$400一塊GE扒, 都尚且得丁丁咁多牛味. $200可以EXPECT D咩呢. 如果我食唔到SODA粉味,可能都會收貨GE. SODA粉呢環真係有D敗筆. 唯一一大優點係一D味精都冇囉.
Post