Video
Read full review
2024-11-14
461 views
《灘五鄉 - 灣仔》停左寫食評好一段時間，原因係摺埋左自己一排。呢排出返黎，一約人就遇到好野！灣仔曾經有段時間係我最初去嘅地方，唔入D巷仔都唔知開左好野，成個外觀好似去左日本咁！11月開始冇咁熱，就仲有埋露天位俾你一路食一路吹風！完全有預感呢間會成為我日後經常飲野吹水嘅優先選擇！呢間野係居酒屋，以食串燒為主。今日咁岩Lunch黎就有set食，午市定食$138起都算親民，呢個價食到日本廚師主理燒物，真係唔貴。今餐食完我同朋友都話一定要搵晚黎食串燒！經理見我地撞入黎，都知我地係第一次黎。信心滿滿向我地介紹呢度個我即燒鰻魚好出名，我坐bar枱望住佢燒和牛又燒鰻魚，工夫呃唔到人。所以我地就二話不說決定左，要一個蒲燒鰻魚丼定食（$268）同一個日本和牛牛扒定食（$328）。我最鍾意見到乜就食乜，我信自己對眼！香港地食鰻魚如果唔係即燒，好多味道都一式一款。關東風，軟身，重甜醬油味。呢度，你會食到佢輕手d，因為即燒，可以做到白燒鰻魚果種彈彈地嘅口感，面頭仲有焦脆。唔係平時百幾蚊果d鰻魚飯俾到你嘅水準。而個飯都做得非常好，唔好太軟，粒粒分明又吸汁！完全係驚靘到我，好少係香港食到日本味道嘅鰻魚飯。呢個野
停左寫食評好一段時間，原因係摺埋左自己一排。呢排出返黎，一約人就遇到好野！灣仔曾經有段時間係我最初去嘅地方，唔入D巷仔都唔知開左好野，成個外觀好似去左日本咁！11月開始冇咁熱，就仲有埋露天位俾你一路食一路吹風！完全有預感呢間會成為我日後經常飲野吹水嘅優先選擇！
呢間野係居酒屋，以食串燒為主。今日咁岩Lunch黎就有set食，午市定食$138起都算親民，呢個價食到日本廚師主理燒物，真係唔貴。今餐食完我同朋友都話一定要搵晚黎食串燒！經理見我地撞入黎，都知我地係第一次黎。信心滿滿向我地介紹呢度個我即燒鰻魚好出名，我坐bar枱望住佢燒和牛又燒鰻魚，工夫呃唔到人。所以我地就二話不說決定左，要一個蒲燒鰻魚丼定食（$268）
同一個日本和牛牛扒定食（$328）。我最鍾意見到乜就食乜，我信自己對眼！香港地食鰻魚如果唔係即燒，好多味道都一式一款。關東風，軟身，重甜醬油味。呢度，你會食到佢輕手d，因為即燒，可以做到白燒鰻魚果種彈彈地嘅口感，面頭仲有焦脆。唔係平時百幾蚊果d鰻魚飯俾到你嘅水準。而個飯都做得非常好，唔好太軟，粒粒分明又吸汁！完全係驚靘到我，好少係香港食到日本味道嘅鰻魚飯。呢個野坦白講，個賣相比鰻魚差了不少。初初期望都唔大，入口有驚喜！講真和牛我食好多，其實來來去去都係幾款，但呢個和牛志不在肉質，而係廚師嘅技術。
和牛扒果個焦香，唔只係油香。而係肉香。呢個有賴廚師對件牛嘅理解，用咩火先可以做到保留肉質嫩滑而表面有梅納反應。佢有柚子胡椒、竹炭鹽、岩鹽同炸蒜片俾你自己揀黎配，我推竹炭鹽，唔會太咸，淡淡的提味。呢間灣仔友一定要book mark！
Post
