吃茶三千 (海運大廈)

Open Now

Now Closed

呢間奶茶飲過好多次，但我成日都冇介紹過，因為佢已經好多人排隊啦😂😂依家冬天最適合飲番杯手搖飲品。所以我決定推薦俾大家，一定要飲返一杯凍國王珍珠奶茶，唔知有冇人冬天好似我一樣都鍾意飲凍嘢。無論我上年生BB都好，我都間唔中堅持飲一杯珍珠奶茶😂😂做個快樂媽咪。國王珍珠奶茶🩷🩷🩷🩷🩷佢個茶葉係拎過食品界米其林獎，無可否認佢個茶葉真係幾香，因為平時飲珍珠奶茶好多加咗奶粉都令到杯奶茶冇乜茶味，但呢個唔同，佢係可以飲得出個茶葉味更加濃咗，而且佢個珍珠超有嚼口。我超鍾意佢呢一杯國王珍珠奶茶。當然佢有啲其他限定我都鍾意飲，希望佢出反西柚系列，飲過咁多個系列，佢最有驚喜。我都推介好多朋友飲，不過唔知點解唔同分店嘅沖法口味唔同，有啲冇咁濃，有啲就好淡。可能有時忙得滯快手沖既味道都唔同。我不嬲都覺得台灣啲手搖係好飲啲，以前飲開天仁茗茶，不過佢近幾年味道已經唔同咗。希望吃茶三千可以保持到水準。