豆乳狂人 (Moved) New Location

豆乳狂人 沙田前兩日師奶仔同朋友去野餐，喺佢屋企樓下見到呢間幾新穎嘅鋪頭，入去發覺佢啲嘢食好吸引😍幾個人就即興買咗啲小食去食🤣多芒小丸子朋友叫嘅呢個超好食😍上面嘅芒果大大粒！好鮮甜！好新鮮！入面仲有西米、小丸子、同埋好香嘅芒果汁😝好食！黃金脆脆豆乳茶呢個我叫嘅！上面嘅黃金脆脆係用鹹蛋黃做成，入面材料好豐富！有珍珠、西米、奶蓋、白玉😝最好係有得嗌走甜，好適合唔係太鍾意甜嘢嘅我，叫完走甜成杯嘢飲唔係太甜，好飲😋炸雞軟骨呢個係超級超級好食！細細粒嘅雞軟骨，配上椒鹽，簡直一粒停唔到口！滋潤之選入面有芋泥、桃膠、西米、芋圓、今完超級飽🤣🤣第一次食呢間嘢，但係估唔到有驚喜！希望佢遲啲開啲分店，更加可以方便買到！又有益嘅手搖飲品，絕對係珍珠奶茶之外嘅另一選擇😋😋