85度C (宏豐大廈)

Open Now

Now Closed

香港嘅麵包舖真係越嚟越多樣化，依家麵包舖除咗一般嘅麵包同埋蛋糕之外，甚至仲有珍珠奶茶，咖啡同唔同茶嘅飲品，而且飲落去嘅味道都唔錯。我就叫咗杯珍珠奶茶，佢嘅珍珠煙靭，而且奶茶亦都有奶味，茶味亦都好濃郁，味道啱啱好，就算叫咗少甜少冰，風味都依然唔錯。我另外仲叫咗一個兔仔造型嘅腸仔包，真係好得意。另外佢嘅葡撻都好正，隔離仲會有個保溫箱喺度，所以可以食住暖笠笠嘅葡撻，而且收銀櫃位嘅地方，仲會有曲奇同埋蛋捲可以買，搞到我忍唔住即刻買咗幾塊曲奇同蛋捲。