幸福堂 (明發大廈) (Closed)

本來買開天仁茗茶，見到轉角開左間幸福堂，唔係珍珠奶茶迷既我都想一試，雖然唔係買黑糖珍珠鮮奶，但職員燒黑糖果陣我隔住玻璃都聞到好香，雖然好多人，但都等得唔算耐，奶茶看似平平無奇，但比其他牌子既珍珠奶茶多左一種香味，珍珠好煙韌，奶茶攪勻後整體唔會太甜，，見到人地杯黑糖珍珠鮮奶好靚，好想試下，可惜肚仔已經抱曬，下次一定會再試其他飲品，天氣熱辣辣，本來想求其買杯珍珠奶茶既我一試便愛上呢款黑糖珍珠厚奶茶，令人驚艷！