丸·茶手作 (Closed)

珍珠奶茶@佐敦丸茶手作有好多特別口味嘅珍珠，呢幾支係桂花珍珠、芒果寒天蒟蒻珍珠、紫薯珍珠、黑芝麻珍珠、黑糖珍珠同櫻花珍珠，無論係味道定顏色都可以 mix & match 一大輪 因為實在係太過眼花撩亂，結果都係揀咗呢啲推介嘅飲品，哈哈！試咗最左嘅首創桂花珍珠奶綠，同埋右二嘅黑糖珍珠撞奶～桂花珍珠奶綠成杯都有清甜桂花味，桂花珍珠半透明，可以見到入面嘅桂花 奶味都夠，亦都有茶香。不過呢種珍珠就無黑糖珍珠咁甜，而且黑糖珍珠會 Q 啲。我就鍾意 classic 嘅黑糖珍珠撞奶多啲，黑糖掛杯效果都唔錯。雖然冰度同甜度係固定，但係好啱我口味，甜度啱啱好 我嘅飲法係唔搖就咁飲，咁樣奶味會重啲，之後先再搖勻飲黑糖～我食飽咗先飲嘢，搞到飲得好慢，不過飲到最後啲珍珠仲係好有咬口！而且呢間啲黑糖珍珠唔會勁甜，我覺得好食啲。