春風三月 (Closed)

元朗愈開愈多飲品店，難得黎到呢邊，當然要網上做下資料搜集先啦係春風三月同春風撞奶舖之間揀一間，但見春風撞奶舖好似比較多人話唔好飲，所以決定試春風三月。黑糖珍珠鮮奶 ($32)飲得岀係用本地鮮奶，攪咗幾下珍珠，就開始飲到黑糖味，黑糖味都幾重，飲落唔會話得鮮奶味。下面既黑糖珍珠都幾煙韌，食落較甜，但反而加埋鮮奶一齊飲恰到好處。Double 玫瑰綠茶 ($29)呢杯飲落十分有驚喜！綠茶飲落好清，仲有個茶包係入面，帶點玫瑰既甜味。 而入面用咗玫瑰味珍珠，超級特別！好重玫瑰味，仲做到十分煙韌。正