籠町茶番 (Closed)

諗住買杯珍珠奶茶，口多多問店員有無鮮奶茶，店員話：餐牌無珍珠鮮奶茶，不過你試下紅茶拿鐵+珍珠。感覺好奇怪，但店員推介一於試下。23蚊，多謝哂，封蓋放係枱，見到下層珍珠中間紅茶上層鮮奶，整體上層次。搖一搖仔細品嘗，有濃厚茶味，甜度可接受，珍珠夠煙靭，味道幾好。本人一直飲開天仁茗茶既珍珠鮮奶茶，當然有分別，但味道都不錯，23蚊大大杯，值得一試。見到餐牌有綠茶拿鐵，京都抹茶，高山冰茶，熊貓，抹布等好多新奇飲品，非一般珍珠奶茶店。