宏 (Closed)

九号水產呢度好多日本既野食，呢間之前係尖沙咀食過就決定試下佢既分店套餐全部除左主食，仲包海藻烏東，沙拉，捲蛋同紅茶，其實算好抵食！❤️三色丼套餐 $148有鰻魚飯，呑拿魚刺身飯同最愛既海藻烏東先講鰻魚飯，好厚身咬落油脂沖出黎，撈飯一流！個汁唔會太咸，鰻魚份量應該有一條，有小小骨但唔會影響口感呑拿魚刺身飯，暖身的，呑拿魚份量超多，加醬油wasabi撈起食，真心正！海藻烏東之前已經食過，好有咬口屬於扁身質地，必食！❤️白鰻魚套餐 $210白鰻魚聽都未聽過，食落去唔係平時食既蒲燒鰻魚甘淋，偏向有咬口，好香唔太腥！另有3款醬任均選擇，我就最愛個個柚子味既汁，最能帶出先味又唔太膩同咸，恰到好處！❤️抹茶蛋捲唔會話特別濃既抹茶，但食落好厚實唔會有空氣既感覺❤️凍冰滴咖啡 好小見有得飲，就決定豪氣一次！飲落小小微酸，夠哂濃郁！不錯❤️熱焙茶牛奶唔係苦澀味，小小烘培既味道，唔算太甜。❤️草莓班戟 $78呢個必食必食！班戟好厚實，勁重牛油味！草莓醬唔太酸，可以解走班戟上既牛油膩感。加上布甸同雪糕，可以做到冰火相融！伴碟亦十分精緻，真係好高質！